ન્યુઝ કન્ટિન્યુઝ બ્યુરો
મુંબઈ. 22 ડિસેમ્બર 2021
બુધવાર.
મહારાષ્ટ્રમાં આજથી શરૂ થઈ રહેલા વિધાનસભાના શિયાળુ સત્રમાં સંકટના વાદળો ઘેરાયા છે.
પ્રાપ્ત જાણકારી મુજબ શિયાળુ સત્રની શરૂઆત પહેલા જ વિધાનસભાના દસ કર્મચારીઓ કોરોના સંક્રમિત થયા છે.
જે લોકો પોઝિટિવ આવ્યા છે તેમાંથી 8 સુરક્ષામાં તહેનાત પોલીસકર્મી અને અન્ય 2 વિધાનસભાના કર્મચારી છે.
સત્રની શરૂઆત પહેલા લગભગ 3500 લોકોનું પરીક્ષણ કરવામાં આવ્યું હતું.
જોકે આ નમૂનાઓના જીનોમ સિક્વન્સિંગ અંગે નિર્ણય લેવાનો બાકી છે.
ઉલ્લેખનીય છે કે ગઈકાલે, મહારાષ્ટ્રમાં કોરોનાવાયરસ ચેપના 825 નવા કેસ નોંધાયા હતા, જેમાં ઓમિક્રોનના 11 કેસનો સમાવેશ થાય છે. આ સિવાય ચેપને કારણે 14 લોકોના મોત થયા છે.
