News Continuous Bureau | Mumbai
અરબી સમુદ્રમાં ચક્રવાત સર્જાઈ રહ્યું છે અને આગામી 24 કલાક ખૂબ જ મહત્વપૂર્ણ છે. નીચા દબાણવાળા વિસ્તારની રચનાને કારણે 8 થી 12 જૂન સુધી દરિયાકાંઠાના વિસ્તારોમાં ચક્રવાતનું એલર્ટ આપવામાં આવ્યું છે. હવામાન વિભાગ દ્વારા ગુજરાતને એલર્ટ કરવામાં આવ્યું છે.
ગુજરાતના અનેક જિલ્લાઓનું હવામાન બગડવા જઈ રહ્યું છે. ચક્રવાત બાયપરજોય રાજ્યમાં ત્રાટકશે. તેથી, ઘણા જિલ્લાઓમાં તોફાની પવન સાથે વરસાદની ચેતવણી આપવામાં આવી છે. હવામાન વિભાગ દ્વારા આપવામાં આવેલી માહિતી મુજબ અરબી સમુદ્રમાં લો પ્રેશરનું ક્ષેત્ર બની રહ્યું છે. આથી આગામી બે દિવસમાં તે ચક્રવાતમાં ફેરવાઈ જશે. ગુજરાત ઉપરાંત મહારાષ્ટ્રના અનેક જિલ્લાઓમાં પણ આ ચક્રવાતની અસર જોવા મળશે.
હવામાન વિભાગે કહ્યું છે કે 5 થી 7 જૂનની વચ્ચે ચક્રવાત પવન સાથે વરસાદ લાવશે. પવનની ઝડપ 50 કિમી પ્રતિ કલાકની હોઈ શકે છે. ગુજરાતના બનાસકાંઠા, સાબરકાંઠા, અરવલ્લી જિલ્લામાં ભારે પવન ફૂંકાય તેવી શક્યતા છે. આ સાથે પાટણ, મોડાસા, મહેસાણા સહિતના વિસ્તારોમાં પણ વરસાદની ચેતવણી આપવામાં આવી છે.
આ સમાચાર પણ વાંચો : આજે તારીખ ૦૬:૦૬:૨૦૨૩ – જાણો આજનું રાશિ ભવિષ્ય અને પંચાંગ
મહારાષ્ટ્રમાં એલર્ટ જારી
મહારાષ્ટ્રમાં મુંબઈની સાથે કોંકણ તટ પર એલર્ટ જારી કરવામાં આવ્યું છે. માછીમારોને દરિયામાં ન જવાની સલાહ આપવામાં આવી છે. બીજી તરફ વિદર્ભમાં 7 થી 9 જૂન વચ્ચે તીવ્ર ગરમીનું મોજું રહી શકે છે, એમ હવામાન વિભાગે જણાવ્યું છે.
હજુ ચોમાસાની રાહ જોવી પડશે ?
હજુ ચોમાસાની રાહ જોવી પડશે. ગરમીથી ત્રસ્ત લોકો હવે ચોમાસાની રાહ જોઈ રહ્યા છે. આ ચક્રવાત ચોમાસાના માર્ગમાં અવરોધ ઉભો કરશે કે કેમ તેના પર હવામાન વિભાગ ધ્યાન કેન્દ્રિત કરી રહ્યું છે.
