News Continuous Bureau | Mumbai
Demand For Disqualification of 16 MLAs : મહારાષ્ટ્રમાં રાજકીય કટોકટી ચાલી રહી છે, ત્યારે વિધાનસભાના અધ્યક્ષ રાહુલ નાર્વેકર (Rahul Narvekar) ટૂંક સમયમાં શિવસેના (Shivsena) શિંદે જૂથના 16 ધારાસભ્યોને ગેરલાયક ઠેરવવા અંગે નિર્ણય લેશે . મુખ્યમંત્રી એકનાથ શિંદે (CM Eknath Shinde) અને અન્ય ધારાસભ્યોને નોટિસ આપવામાં આવી છે. વિધાનસભાના અધ્યક્ષ રાહુલ નાર્વેકર આજે તેમને નોટિસ આપે તેવી શક્યતા છે. સસ્પેન્ડ કરાયેલા MLA કેસમાં આગળ શું રહેશે કાયદાકીય ભૂમિકા તે જોવુ રહ્યુ?
મુખ્ય પ્રધાન એકનાથ શિંદે સહિત 16 ધારાસભ્યોને ગેરલાયક ઠેરવવા માટે ઠાકરે જૂથની અરજી વિધાનસભા અધ્યક્ષને સુપરત કરવામાં આવી છે. ઠાકરે જૂથે આ માટે ઘણી વખત રિમાઇન્ડર આપ્યા છે. સુપ્રીમ કોર્ટે નિર્દેશ આપ્યો છે કે ધારાસભ્યોને ગેરલાયક ઠેરવવા અંગે વિધાનસભા અધ્યક્ષે નિર્ણય લેવો જોઈએ. આ કારણે હવે રાહુલ નાર્વેકર એકનાથ શિંદેની સાથે અન્ય અમદારને નોટિસ આપીને આ પ્રક્રિયા શરૂ કરવા જઈ રહ્યા છે. સુપ્રીમ કોર્ટના ચુકાદા બાદ વિધાનસભા અધ્યક્ષને નિર્ણય લેવા માટે 90 દિવસનો સમય આપવામાં આવ્યો છે.
રાહુલ નાર્વેકરે શું કહ્યું?
રાહુલ નાર્વેકરે(Rahul Narvekar) શુક્રવારે (7 જુલાઈ) કહ્યું હતું કે તેમને કેન્દ્રીય ચૂંટણી પંચ (Central Election Commission) પાસેથી શિવસેનાના બંધારણની નકલ મળી છે અને મુખ્યમંત્રી એકનાથ શિંદે સહિત શિવસેનાના 16 ધારાસભ્યો સામેની ગેરલાયકાતની અરજીઓ પર સુનાવણી ટૂંક સમયમાં શરૂ થશે. રાહુલ નાર્વેકરે ચૂંટણી પંચ પાસે શિવસેનાના બંધારણની નકલ માંગી હતી. આ નકલ ગયા અઠવાડિયે તેમની ઓફિસને મળી હતી. રાહુલ નાર્વેકરે કહ્યું છે કે હવે અમે સુનાવણી શરૂ કરીશું. જ્યારે તેમને પૂછવામાં આવ્યું કે આ પ્રક્રિયા ખરેખર ક્યારે શરૂ થશે, તો નાર્વેકરે ‘ટૂંક સમયમાં’ જવાબ આપ્યો. રાહુલ નાર્વેકરના નિવેદન બાદ ધારાસભ્યોને ગેરલાયક ઠેરવવા અંગે ટૂંક સમયમાં નિર્ણય લેવામાં આવે તેવી શક્યતા છે.
ઠાકરે જૂથેની સુપ્રીમ કોર્ટમાં દોડ
આ અઠવાડિયાની શરૂઆતમાં, ઠાકરે જૂથે સુપ્રીમ કોર્ટમાં એક અરજી દાખલ કરી અને માંગણી કરી કે અધ્યક્ષને ધારાસભ્યોની ગેરલાયકાતની અરજીઓ પર ઝડપથી સુનાવણી કરવાનો નિર્દેશ આપવામાં આવે એવી અરજ કરી હતી. ધારાસભ્ય સુનીલ પ્રભુએ 2022માં એકનાથ શિંદે અને અન્ય 15 બળવાખોર ધારાસભ્યો સામે ચીફ વ્હીપ (Chief Whip) તરીકે ગેરલાયકાતની અરજી દાખલ કરી હતી. બાદમાં, સુનીલ પ્રભુએ ઠાકરે જૂથ વતી આ મહિને ફરીથી સુપ્રીમ કોર્ટનો સંપર્ક કર્યો. પિટિશનમાં દાવો કરવામાં આવ્યો હતો કે રાહુલ નાર્વેકર જાણીજોઈને સુનાવણીમાં વિલંબ કરી રહ્યા છે, તેમ છતાં સુપ્રીમ કોર્ટે તેના 11 મેના ચુકાદામાં સ્પીકરને સમયમર્યાદામાં અરજીઓ પર નિર્ણય લેવાનો નિર્દેશ આપ્યો હતો.
આ સમાચાર પણ વાંચો : Surat : સારો વરસાદ વરસતા જગતનો તાત ખુશખુશાલ, સુરત જિલ્લાના અનેક વિસ્તારમાં ખેડૂતોએ વાવણીનો શુભારંભ કર્યો…
