News Continuous Bureau | Mumbai
ED Raid: પશ્ચિમ બંગાળમાં ED ટીમ પર થયેલા હુમલા બાદ તપાસ એજન્સી ફરી એકવાર એક્શન મોડમાં આવી છે. એન્ફોર્સમેન્ટ ડિરેક્ટોરેટ ( ED ) ની ટીમે આજે વહેલી સવારે પશ્ચિમ બંગાળની મમતા બેનર્જી ( Mamata Banerjee ) સરકારના બે મંત્રીઓના ઘરો પર દરોડા પાડ્યા છે. બંનેના ઘરે દરોડા પાડવામાં આવી રહ્યા છે. આ દરોડા મ્યુનિસિપલ કોર્પોરેશન નોકરી કૌભાંડ સાથે સંબંધિત છે.
EDની એક ટીમ અગ્નિશમન સેવા મંત્રી સુજીત બોઝના ( Sujit Bose ) બે સ્થળોએ પહોંચી છે, જ્યારે બીજી ટીમ TMC મંત્રી તાપસ રોયના સ્થાન પર દરોડા પાડી રહી છે. એટલું જ નહીં ઉત્તર દમદમ નગરપાલિકાના પૂર્વ પ્રમુખ અને ટીએમસી નેતા સુબોધ ચક્રવર્તીના ( subodh chakraborty ) ઘરે પણ ED દરોડા પાડી રહી છે.
#WATCH | ED raid underway at the premises of West Bengal minister and TMC leader Sujit Bose in Kolkata. Details awaited. pic.twitter.com/qQNCYuSIV5
— ANI (@ANI) January 12, 2024
પ્રાપ્ત માહિતી મુજબ, કોલકાતા ( West Bengal ) અને તેની બહારના વિસ્તારોમાં અનેક સ્થળોએ દરોડા પાડવામાં આવી રહ્યા છે. ઉત્તર 24 પરગણાના સંદેશખાલી અને બોનગાંવમાં એજન્સીની બે ટીમો પર હુમલો થયાના એક સપ્તાહ બાદ જ દરોડો પાડવામાં આવ્યો છે. એપ્રિલ 2023માં કેન્દ્રીય એજન્સીને કથિત અનિયમિતતાઓની તપાસ માટે કલકત્તા હાઈકોર્ટ દ્વારા આદેશ આપવામાં આવ્યો હતો. આ પછી સેન્ટ્રલ બ્યુરો ઑફ ઇન્વેસ્ટિગેશન (CBI) એ રાજ્યભરની નગરપાલિકાઓમાં કથિત ભરતીના કેસમાં FIR (પ્રથમ માહિતી અહેવાલ) દાખલ કરી હતી.
ED અને CRPF ની સંયુક્ત ટીમ મળીને પાડ્યા દરોડા….
ઉલ્લેખનીય છે કે, રેશન કૌભાંડ મામલામાં ટીએમસી નેતા શાહજહાં શેખના ઘરે દરોડા પાડવા માટે EDની ટીમ તાજેતરમાં પશ્ચિમ બંગાળ પહોંચી હતી. આ દરમિયાન ગ્રામજનોના ટોળાએ ટીમ પર હુમલો કર્યો હતો. ટોળાએ ED અધિકારીઓની સાથે CRPF જવાનોના વાહનોને પણ નિશાન બનાવ્યા હતા. આ હુમલામાં EDના ત્રણ અધિકારીઓ ગંભીર રીતે ઘાયલ થયા હતા.
આ સમાચાર પણ વાંચો : Vibrant Gujarat 2024: દેશની પહેલી મેક ઇન ઇન્ડીયા સેમીકન્ડક્ટર ચીપનું ગુજરાતમાં 2024માં ઉત્પાદન થશે: કેન્દ્રીયમંત્રીશ્રી અશ્વિની વૈષ્ણવ
પ્રાપ્ત માહિતી મુજબ, પશ્ચિમ બંગાળમાં ED અધિકારીઓ પર હુમલા બાદ તપાસ એજન્સીના કાર્યવાહક નિર્દેશક કોલકાતા પહોંચી ગયા હતા. અધિકારીઓ સાથે બેઠક કરી હતી. બેઠક દરમિયાન તેમણે અધિકારીઓને કહ્યું હતું કે ડરશો નહીં, નિર્ભયતાથી તપાસ કરો. સૂત્રોના જણાવ્યા અનુસાર, કાર્યકારી ED ડિરેક્ટરે અધિકારીઓને NIA સાથે મળીને કામ કરવા માટે શાહજહાં શેખના બાંગ્લાદેશ સાથે સરહદ પારના સંબંધોની તપાસ કરવા પણ કહ્યું હતું.
ED અધિકારીઓ સાથે બેઠક કર્યા પછી, કાર્યકારી નિર્દેશકે CRPF દળોના સુરક્ષા કર્મચારીઓ સાથે સંયુક્ત બેઠક યોજી હતી. મીટિંગમાં, CRPF ની તૈનાતી માટે એક યોજના બનાવવામાં આવી હતી, જેઓ દરોડા દરમિયાન ED અધિકારીઓની સાથે રહેશે. કાર્યવાહક નિર્દેશક કહ્યું કે અધિકારીઓની સાથે સાથે મહિલા પોલીસકર્મીઓ પર પણ ધ્યાન કેન્દ્રિત કરવું જોઈએ, જેથી જે મહિલાઓ દરોડા સમયે અડચણો ઉભી કરવાનો પ્રયાસ કરે છે તેને દૂર કરી શકાય.
