ન્યુઝ કન્ટિન્યુઝ બ્યુરો
મુંબઈ. 13 ડિસેમ્બર 2021
સોમવાર
સેન્ટ્રલ બોર્ડ ઓફ સેકન્ડરી એજ્યુકેશન એ 10મા ધોરણના અંગ્રેજી વિષયના પ્રશ્નપત્રમાંથી વિવાદાસ્પદ પ્રશ્ન દૂર કર્યો છે.
આ અંગે CBSE બોર્ડે જણાવ્યું છે કે આ પ્રશ્ન માટે તમામ વિદ્યાર્થીઓને સંપૂર્ણ માર્કસ આપવામાં આવશે.
આ સંદર્ભમાં બોર્ડે તેની વેબસાઇટ cbse.gov.in પર નોટિસ જાહેર કરી છે.
CBSE એ તેની નોટિસમાં કહ્યું છે કે ‘ધોરણ 10 ની ટર્મ 1 પરીક્ષા 2021 ના અંગ્રેજી ભાષા અને સાહિત્યના પ્રશ્નપત્રના પેસેજનો સેટ બોર્ડની માર્ગદર્શિકા મુજબ નથી.
આ અંગે મળેલા ફીડબેકના આધારે બોર્ડે આ બાબતને સમીક્ષા માટે વિષય નિષ્ણાતોને મોકલી હતી. તેમની ભલામણના આધારે, પેસેજ નંબર 1 અને તેને લગતા પ્રશ્નોને પડતો મૂકવાનો નિર્ણય લેવામાં આવ્યો છે.
ઉલ્લેખનીય છે કે, CBSE ધોરણ 10ના ટર્મ 1ના અંગ્રેજી પ્રશ્નપત્રના એક ફકરામાં લિંગ-આધારિત રૂઢિચુસ્તતાને પ્રોત્સાહન આપવા અને મહિલાઓનું અપમાન કરવાનો આરોપ લગાવવામાં આવી રહ્યો છે.
કોંગ્રેસ અધ્યક્ષ સોનિયા ગાંધીએ લોકસભાના ઝીરો અવરમાં આ પ્રશ્નને મહિલાઓ માટે અપમાનજનક ગણાવ્યો હતો. આ માટે CBSE પાસેથી માફી માગવાની પણ માગ કરી છે.
