ન્યૂઝ કન્ટીન્યુઝ બ્યૂરો
નવી દિલ્હી
14 મે 2020
ગોવા એટલે ભારતનું મોસ્ટ હેપનીગ સ્થળ. અહીં દેશ-વિદેશના લોકો પ્રવાસે આવતા હોય છે પરંતુ હાલ લોકડાઉનની અસર ગોવા પર સ્પષ્ટ જોઈ શકાય છે. કારણકે ગ્રીન ઝોન ગોવામાં ફરી કોરોનાનો કેસ નોંધાયો છે, ગ્રીન ઝોન જાહેર થયા બાદ કોરોનાનો આ પ્રથમ કેસ છે. રેપિડ ટેસ્ટમાં 7 સંક્રમિત દર્દીઓ સામે આવ્યા છે. ગોવાના મુખ્યમંત્રીએ આપેલી માહિતી મુજબ "આ તમામ યાત્રીઓ મુંબઈથી આવ્યા હતા જેમાંથી એક વ્યક્તિની ગુજરાતમાં પ્રવાસ કરી હોવાની વિગત પણ સામે આવી છે". હાલ આ તમામ લોકોને કવોરંટીન કરવામાં આવ્યા છે. ઉલ્લેખનીય છે કે ગત 19 મી એપ્રિલના રોજ કોરોના મુક્ત ગોવા જાહેર કરાયું હતું..
