News Continuous Bureau | Mumbai
Haryana Assembly Elections: ભારતીય જનતા પાર્ટી (BJP) ના હરિયાણા એકમે ચૂંટણી પંચને 1 ઓક્ટોબર, 2024 ના રોજ યોજાનારી આગામી વિધાનસભાની ચૂંટણીઓ મુલતવી રાખવા વિનંતી કરી છે. અહેવાલો મુજબ ભાજપે ચૂંટણી પંચને પત્ર લખીને 1 ઓક્ટોબરે યોજાનારી વિધાનસભાની ચૂંટણીને થોડા સમય માટે મુલતવી રાખવા વિનંતી કરી છે. જેમાં પાર્ટીએ ચૂંટણીની તારીખ પહેલા અને પછી રજાઓનો ઉલ્લેખ કર્યો છે. અને કહ્યું છે કે આનાથી મતદાનની ટકાવારી ઘટી શકે છે.
Haryana Assembly Elections: ચૂંટણી પંચે આ બોધપાઠ લીધો
પત્રમાં એવો ઉલ્લેખ છે કે 28મીએ શનિવાર છે અને 29મીએ રવિવાર છે, 30મીએ સોમવાર છે એટલે કે વચ્ચેનો કાર્યકારી દિવસ છે અને મતદાન 1લી ઓક્ટોબર મંગળવારના રોજ થશે. જ્યારે 2જી ઓક્ટોબરે ગાંધી જયંતીની રજા છે, જ્યારે 3જી ઓક્ટોબરે અગ્રસેન જયંતિની રજા છે. આવી સ્થિતિમાં 6 દિવસનો લાંબો વીકેન્ડ હોવાને કારણે લોકો રજાઓ પર જઈ શકે છે. લોકસભા ચૂંટણી પછી ચૂંટણી પંચે કહ્યું હતું કે અમે આ ચૂંટણીઓમાંથી એક બોધપાઠ લીધો છે કે ગરમીમાં અને સપ્તાહના અંતે ચૂંટણી ન યોજવી જોઈએ.
આ સમાચાર પણ વાંચોઃ Jammu-Kashmir: જમ્મુ કાશ્મીર સોપોરમાં સુરક્ષાદળો અને આતંકવાદીઓ વચ્ચે અથડામણ, આટલા આતંકવાદી મરાયા ઠાર..
Haryana Assembly Elections: કોંગ્રેસે કહ્યું- તેઓએ હાર સ્વીકારી લીધી
હરિયાણાના ભૂતપૂર્વ સીએમ અને કોંગ્રેસના નેતા ભૂપેન્દ્ર સિંહ હુડ્ડા નું કહેવું છે, ચૂંટણી જાહેર થઈ ગઈ છે અને તેની જાહેરાત થયાને એક અઠવાડિયાથી વધુ સમય થઈ ગયો છે. મતલબ કે તેઓ ચૂંટણી મોકૂફ રાખવા માંગે છે. તેઓ હાર સ્વીકારી રહ્યાં છે અને અમે ઇચ્છીએ છીએ કે ચૂંટણી પંચ સમયસર ચૂંટણી કરાવે કારણ કે લોકો નથી ઈચ્છતા કે સરકાર એક દિવસ પણ સત્તામાં રહે.
