ગુજરાતના ઘણા જિલ્લાઓમાં મેઘરાજાની ધમાકેદાર એન્ટ્રી થઇ છે.
હવામાન વિભાગે આગામી 24 કલાકમાં દક્ષિણ ગુજરાતમાં ભારેથી અતિભારે વરસાદની આગાહી કરી છે.
હવામાન વિભાગે માછીમારોને પણ દરિયો ન ખેડવાની ચેતવણી આપી છે. આ દરમિયાન પવન 50થી 60 કિમી પ્રતિ કલાકની ઝડપે ફૂંકાઈ શકે છે.
આ આગાહીને પગલે તંત્ર દ્વારા વલસાડ જિલ્લામાં NDRFની ટીમ સ્ટેન્ડ બાય પર રાખવામાં આવી છે.
ઉલ્લેખનીય છે કે છેલ્લા બે દિવસમાં રાજ્યના મોટાભાગના વિસ્તારમાં હળવો અને સામાન્ય વરસાદ નોંધાયો છે.
