તહેવારના નામ પર ગંદી મજાક.. હોળી રમવા આવેલી જાપાની યુવતીની યુવકોએ કરી છેડતી, હવે એક્શનમાં આવી પોલીસ.. જુઓ વિડીયો

રંગોના તહેવાર હોળી પર અવારનવાર છેડતીની ઘટનાઓ સામે આવે છે. દરમિયાન એક જાપાની યુવતી સાથે છેડતીનો કિસ્સો સામે આવ્યો છે. આ ઘટનાનો વિડીયો જે સોશિયલ મીડિયા પર વાયરલ થયો છે, જેને લઈને લોકોમાં રોષ જોવા મળી રહ્યો છે અને કડક કાર્યવાહીની માંગ કરવામાં આવી રહી છે.

આ વાયરલ વીડિયોમાં જોવા મળી રહ્યું છે કે કેટલાક યુવકો જાપાની યુવતીને અયોગ્ય રીતે કલર લગાવી રહ્યા છે અને તેના માથા પર ઇંડા પણ ફોડી રહ્યા છે. તેમજ આરોપી યુવકો ‘હોલી હૈ’ બૂમો પાડતા જોઈ શકાય છે. જોકે યુવતી લોકોની હરકતોથી એકદમ અસ્વસ્થ દેખાઈ રહી છે.

આ સમાચાર પણ વાંચો : રખડતા ઢોરોનો આતંક… આખલાએ શેરીમાં રમતા 4 વર્ષના માસુમ બાળક પર કર્યો હુમલો, શિંગડું મારી ઉલાળ્યું, ઢસડ્યું અને પછી… જુઓ વિડીયો

મીડિયા રિપોર્ટ મુજબ આ ઘટના દિલ્હીના પહાડગંજ વિસ્તારની જણાવવામાં આવી રહી છે. આ બધા પછી હવે દિલ્હી પોલીસે આ કેસમાં સામેલ 3 આરોપીઓને કસ્ટડીમાં લીધા છે અને આગળની કાર્યવાહી શરૂ કરી છે. જોકે પોલીસનું કહેવું છે કે પીડિત યુવતીએ હજુ સુધી આ મામલે કોઈ ફરિયાદ નોંધાવી નથી અને તે ગઈકાલે બાંગ્લાદેશ જવા રવાના થઈ ગઈ છે.