Site icon News Continuous Bureau | Mumbai

Maharashtra CM news : સસ્પેન્સ ખતમ… દેવેન્દ્ર ફડણવીસ મહારાષ્ટ્રના ત્રીજી વખત સીએમ બનશે, આજે જ સરકાર બનાવવાનો રજૂ કરશે દાવો..

Maharashtra CM news : મહારાષ્ટ્રને તેના આગામી મુખ્યમંત્રી 5 ડિસેમ્બરે મળશે. આઝાદ મેદાનમાં મુખ્યમંત્રીના શપથ ગ્રહણ સમારોહની તૈયારીઓ ચાલી રહી છે. આ દરમિયાન દેવેન્દ્ર ફડણવીસને બીજેપી વિધાયક દળની બેઠકમાં નેતા તરીકે પસંદ કરવામાં આવ્યા છે. દેવેન્દ્ર ફડણવીસને વિધાયક દળના નેતા તરીકે ચૂંટવામાં આવ્યા બાદ એ નક્કી થઈ ગયું છે કે તેઓ મહારાષ્ટ્રના આગામી મુખ્યમંત્રી બનશે. કોર કમિટીની બેઠકમાં ફડણવીસના નામને મંજૂરી આપવામાં આવી છે

News Continuous Bureau | Mumbai

Maharashtra CM news : ભાજપ નેતા દેવેન્દ્ર ફડણવીસ મહારાષ્ટ્રના નવા સીએમ હશે. દેવેન્દ્ર ફડણવીસના નામને મંજૂરી આપવામાં આવી છે. આજે દેવેન્દ્ર ફડણવીસને બીજેપી વિધાયક દળના નેતા તરીકે પસંદ કરવામાં આવ્યા છે. જ્યારે એકનાથ શિંદે અને અજિત પવારને મહારાષ્ટ્રના ડેપ્યુટી સીએમ બનાવવા પર સહમતિ બની છે. મહારાષ્ટ્ર વિધાનસભા ચૂંટણીના 11 દિવસ બાદ ભાજપ વિધાનમંડળ પક્ષે દેવેન્દ્ર ફડણવીસને તેના નેતા તરીકે ચૂંટ્યા છે. ચંદ્રકાંત પાટીલ અને સુધીર મુનગંટીવારે નામનો પ્રસ્તાવ મૂક્યો હતો અને પંકજા મુંડેએ ફડણવીસના નામનું સમર્થન કર્યું હતું.

Join Our WhatsApp Channel

Maharashtra CM news : બપોરે 3.30 કલાકે રાજભવન જ

હવે દેવેન્દ્ર ફડણવીસ સમર્થક ધારાસભ્યોના નામ સાથે મહારાષ્ટ્રના રાજ્યપાલને મળશે અને સરકાર બનાવવાનો દાવો રજૂ કરશે. મહાયુતિના નેતાઓ બપોરે 3.30 કલાકે રાજભવન જશે. શપથ ગ્રહણ આવતીકાલે એટલે કે 5મી ડિસેમ્બરે આઝાદ મેદાનમાં થશે. જેમાં મુખ્યમંત્રી અને બંને ડેપ્યુટી સીએમ શપથ લેશે. તેમની સાથે કેટલા મંત્રીઓ શપથ લેશે કે નહીં તે સ્પષ્ટ નથી.

Maharashtra CM news : દેવેન્દ્ર ફડણવીસ ભૂતકાળમાં પણ મુખ્યમંત્રી રહી ચૂક્યા છે

વિધાનસભાની ચૂંટણીમાં જે રીતે ભાજપને સીટો મળી છે તે જોતા એવું માનવામાં આવતું હતું કે આગામી સીએમ ભાજપનો જ હશે. દેવેન્દ્ર ફડણવીસ નાગપુર દક્ષિણ પશ્ચિમ બેઠક પરથી ચૂંટાયા છે. તેઓ ભૂતકાળમાં પણ સીએમ રહી ચૂક્યા છે. એકનાથ શિંદે સરકારમાં ડેપ્યુટી સીએમ પદ સંભાળી ચૂકેલા દેવેન્દ્ર ફડણવીસને 2019માં પણ સીએમ બનવાની તક મળી હતી, પરંતુ થોડા દિવસો બાદ જ તેમણે રાજીનામું આપવું પડ્યું હતું.

આ સમાચાર પણ વાંચો :  Maharashtra New CM: થઇ ગયું નક્કી.. મહારાષ્ટ્રના મુખ્યમંત્રી કોણ? ભાજપના ધારાસભ્ય દળની બેઠક ખતમ; આ નામ પર લાગી મહોર…

Maharashtra CM news : ફડણવીસના નેતૃત્વમાં ભાજપનું શાનદાર પ્રદર્શન

મહારાષ્ટ્ર વિધાનસભા ચૂંટણીમાં મહાયુતિ ફરી એકવાર સત્તામાં જ ન આવી, પરંતુ 288 સભ્યોની વિધાનસભામાં 230 બેઠકો પણ જીતી, જ્યારે વિપક્ષ મહા વિકાસ આઘાડી માત્ર 50 સુધી જ સીમિત રહી. ચૂંટણીમાં ભાજપ સૌથી મોટા પક્ષ તરીકે ઉભરી આવ્યો હતો. ભાજપે 132 બેઠકો, એકનાથ શિંદેની શિવસેનાએ 57 બેઠકો અને અજિત પવારની એનસીપીએ 41 બેઠકો પર જીત મેળવી છે. ભાજપને પાંચ અપક્ષ ધારાસભ્યોનું સમર્થન પણ મળ્યું છે.

 

Eknath Shinde Amit Shah Pune Meeting મહારાષ્ટ્રના રાજકારણમાં ગરમાવો… એકનાથ શિંદે અને અમિત શાહ વચ્ચે પુણેમાં બેઠક, 45 મિનિટની બંધબારણે બેઠકથી અટકળો તેજ
Rahul Gandhi Election Spend કોલંબિયા યુનિવર્સિટીમાં રાહુલ ગાંધીનો દાવો ભારત આર્થિક સંકટની કગાર પર, ચૂંટણી ખર્ચને લઈને વ્યક્ત કર્યું આશ્ચર્ય
PM Modi Tricolour Gesture Viral Video રાષ્ટ્રધ્વજ પ્રત્યે પીએમ મોદીનો આદર કેમેરામાં કેદ ક્વાડ સમિટમાં તિરંગા માર્કર ઉઠાવતા ડોનાલ્ડ ટ્રમ્પે આપી આ પ્રતિક્રિયા
Gold Silver Price Crash Futures Market કિંમતી ધાતુઓની ચમક ઝાંખી પડી, ચાંદી ₹5,800 અને સોનું ₹2,900 થી વધુ તૂટ્યું; જાણો આજના લેટેસ્ટ રેટ..
Exit mobile version