News Continuous Bureau | Mumbai
Maharashtra Covid19 Update: મહારાષ્ટ્રમાં દરરોજ કોરોના વાયરસના નવા કેસ ( Covid cases ) સામે આવી રહ્યા છે. મહારાષ્ટ્રમાં રવિવારે 131 નવા કેસ નોંધાયા હતા. આ સાથે હાલ રાજ્યમાં સક્રિય કેસોની ( active cases ) સંખ્યા વધીને 701 થઈ ગઈ છે, જેનાથી ચિંતા વધી ગઈ છે. તે જ સમયે, નવા JN.1 વેરિઅન્ટના કેસોમાં પણ વધારો થયો છે, જે વધીને હવે 29 થઈ ગયો છે. રાજ્યમાં કોરોનાના સૌથી વધુ સક્રિય કેસ થાણેમાં ( Thane ) છે. થાણેમાં કોરોનાના 190 કેસ નોંધાયા છે, જ્યારે મુંબઈમાં અત્યાર સુધીમાં 137 અને પુણેમાં 126 કેસની પુષ્ટિ થઈ છે.
મહારાષ્ટ્રમાં કોરોનાની રોકથામ માટે એક નવી ટાસ્ક ફોર્સની ( task force ) પણ રચના કરવામાં આવી છે, જેનું નેતૃત્વ ICMRના ભૂતપૂર્વ ચીફ ડૉ. રમણ ગંગાખેડકર કરી રહ્યા છે. આ ટાસ્ક ફોર્સમાં સાત સભ્યો છે. મહારાષ્ટ્રમાં છેલ્લા એક સપ્તાહથી કોરોનાના કેસોમાં તીવ્ર વધારો જોવા મળી રહ્યો છે.
પુણેમાં જેએન.1ના સૌથી વધુ કેસ નોંધાયા..
બીજી તરફ, પુણેમાં જેએન.1ના સૌથી વધુ કેસ નોંધાયા છે. અહીં જેએન.1 કેસની સંખ્યા વધીને હવે 15 થઇ ગઇ છેજેએન.1 પ્રકારનો પહેલો કેસ કેરળમાંથી આવ્યો હતો. અહીં એક 79 વર્ષીય મહિલા તેનાથી સંક્રમિત જોવા મળી હતી. બીજી તરફ, રવિવારે દેશમાં કોરોનાના 841 નવા કેસ નોંધાયા હતા જે છેલ્લા સાત મહિનામાં એક દિવસમાં સૌથી વધુ આંકડો છે. એમ કેન્દ્રીય સ્વાસ્થ્ય મંત્રાલય દ્વારા પ્રાપ્ત માહિતીમાં જણાવાયું છે.
આ સમાચાર પણ વાંચો : RBI: RBIની મોટી કાર્યવાહી.. હવે આ બે કો- ઓપરેટીવ બેંકોના લાયસન્સ કર્યા રદ્દ.. જાણો વિગતે..
જે ઝડપે કોરોના ફેલાઈ રહ્યો છે. તેનાથી હાલ રાજ્યમાં ચિંતા વધી છે. જો કે, કેન્દ્ર દ્વારા રાજ્યોને એક એડવાઈઝરી પણ જારી કરવામાં આવી છે. રાજ્યોને જિલ્લાવાર કેસ પર નજર રાખવા માટે કહેવામાં આવ્યું છે. તેમજ તમામ આરોગ્ય કેન્દ્રોમાંથી ઈન્ફલ્યુએન્ઝા અને શ્વસન સંબંધી રોગો વિશે નિયમિતપણે માહિતી એકત્રિત કરવાનું પણ કહેવામાં આવ્યું છે. જણાવવામાં આવી રહ્યું છે કે ક્રિસમસના અવસર પર વધુ ભીડને કારણે કોરોનાના કેસમાં પણ વધારો થયો છે.
