News Continuous Bureau | Mumbai

Maharashtra Elections 2024:  કેન્દ્રીય ચૂંટણી પંચ દ્વારા મંગળવારે મહારાષ્ટ્રમાં વિધાનસભા ચૂંટણીની જાહેરાત કરવામાં આવી છે. મહારાષ્ટ્રમાં આગામી 20 નવેમ્બરે ચૂંટણી યોજાશે. દરમિયાન હાલ સીટની વહેંચણી અને મુખ્યમંત્રીના ચહેરા પર સસ્પેન્સ બરકરાર છે, પછી તે મહાવિકાસ આઘાડી હોય કે સત્તાધારી મહાયુતિ. પરંતુ ચૂંટણીની જાહેરાત બાદ શિંદે સરકાર દ્વારા આજે તેના કાર્યકાળનું રિપોર્ટ કાર્ડ બહાર પાડવામાં આવ્યું હતું. આ દરમિયાન બીજેપી નેતા દેવેન્દ્ર ફડણવીસે સંકેત આપ્યો હતો કે આગામી મહારાષ્ટ્ર ચૂંટણી માટે મહાયુતિ ગઠબંધનનો મુખ્યમંત્રીપદનો ચહેરો કોણ હશે. રિપોર્ટ કાર્ડ રિલીઝ કરવા માટે આયોજિત કાર્યક્રમમાં શિંદે અને અજિત પવાર સાથે બેઠેલા ફડણવીસે કહ્યું કે અમારા મુખ્યમંત્રી અહીં બેઠા છે.

Maharashtra Elections 2024: શરદ પવારને પડકાર 

NCP (SP)ના વડા શરદ પવારને મહા વિકાસ આઘાડી (MVA)ના મુખ્ય પ્રધાનપદના ચહેરાની જાહેરાત કરવા માટે પડકાર ફેંકતા ફડણવીસે કહ્યું કે અમારે મુખ્ય પ્રધાનપદના ચહેરાની જાહેરાત કરવાની જરૂર નથી, અમારા મુખ્ય પ્રધાન અહીં બેઠા છે. જોકે આ દરમિયાન તેમણે કોઈનું નામ લીધું ન હતું. ફડણવીસે કહ્યું કે મહા વિકાસ અઘાડી મુખ્ય પ્રધાનપદના ચહેરાની જાહેરાત નથી કરી રહી કારણ કે તેમને નથી લાગતું કે ચૂંટણી પછી તેમના મુખ્ય પ્રધાન આવી શકે છે. હું પવાર સાહેબને પડકાર આપું છું કે તેઓ તેમનો ચહેરો જાહેર કરે.

Maharashtra Elections 2024:  સીટની વહેંચણી પર ચર્ચા અંતિમ તબક્કામાં

મહારાષ્ટ્રમાં બીજેપીના સૌથી અગ્રણી ચહેરા ફડણવીસે કહ્યું કે શાસક સાથી પક્ષો વચ્ચે સીટની વહેંચણી પર ચર્ચા અંતિમ તબક્કામાં છે. મુખ્યમંત્રીના ચહેરા અંગે ફડણવીસના આ વ્યૂહાત્મક જવાબને મહાયુતિના સાથી પક્ષોને નારાજ ન કરવાના પ્રયાસ તરીકે જોવામાં આવી રહ્યા છે. રાજકીય વર્તુળોમાં એવી ચર્ચા છે કે ફડણવીસની સાથે અજિત પવાર પણ મહારાષ્ટ્રના આગામી મુખ્યપ્રધાન બનવા માટે આશાવાદી છે.

આ સમાચાર પણ વાંચો: Maharashtra Elections 2024: શરદ પવારની ત્રણ માંગ પર ચૂંટણી પંચનો નિર્ણય, બે સ્વીકારી પણ આ એક ફગાવી..