News Continuous Bureau | Mumbai
Solapur accident મહારાષ્ટ્રના સોલાપુરથી એક દર્દનાક સમાચાર સામે આવ્યા છે. તુલજાપુર માં દેવદર્શન માટે નીકળેલા નવવિવાહિત દંપતિની કારનો ભીષણ અકસ્માત થયો છે. આ અકસ્માતમાં 5 લોકોના ઘટનાસ્થળે જ મોત થયા છે. આ ઘટનામાં નવવિવાહિત દંપતિ ગંભીર રીતે ઘાયલ થયું છે.
શું છે સમગ્ર મામલો?
બાર્શી તહસીલના પાંગરી ગામમાં કાર અને ટ્રકની સામસામે ટક્કર થવાથી આ દર્દનાક ઘટના બની છે. પાંગરી ગામ પાસે આવેલા જાંભળબેટ પુલ પર થયેલા આ અકસ્માતમાં કાર સંપૂર્ણ રીતે કચડાઈ ગઈ હતી. મૃતકોમાં ગૌતમ કાંબલે, જયા કાંબલે, સંજય વાઘમારે, સારિકા વાઘમારે સહિત એક અન્ય મહિલાનો સમાવેશ થાય છે.વળી, ચાર દિવસ પહેલા જ લગ્નના બંધનમાં બંધાયેલા અનિકેત ગૌતમ કાંબલે અને મેઘના અનિકેત કાંબલે ગંભીર રીતે ઘાયલ છે.
આ સમાચાર પણ વાંચો : GDP Growth: GDPના મજબૂત આંકડાઓની અસર, શેરબજારમાં જબરદસ્ત ઉછાળો, રોકાણકારોને મોટો ફાયદો
ઘટનાની માહિતી મળતા જ પોલીસ ઘટનાસ્થળે પહોંચી અને ઘાયલોને બાર્શીની એક ખાનગી હોસ્પિટલમાં સારવાર માટે દાખલ કર્યા.પ્રાથમિક માહિતી મુજબ, 26 નવેમ્બરના રોજ અનિકેત અને મેઘનાના લગ્ન થયા હતા. પરિવારજનો આ બંનેને લઈને તુલજાપુરમાં દેવદર્શન માટે જઈ રહ્યા હતા, ત્યારે રસ્તામાં આ ભીષણ અકસ્માત થયો.
