News Continuous Bureau | Mumbai
Maharashtra SSC Result 2026। મહારાષ્ટ્ર રાજ્ય માધ્યમિક અને ઉચ્ચ માધ્યમિક શિક્ષણ બોર્ડ દ્વારા લેવાયેલી ધોરણ 10 (SSC) ની પરીક્ષાનું પરિણામ આજે, શુક્રવારે બપોરે 1 વાગ્યે ઓનલાઇન જાહેર કરવામાં આવશે. લાખો વિદ્યાર્થીઓ અને વાલીઓ આતુરતાથી આ પરિણામની રાહ જોઈ રહ્યા હતા. પરિણામ જાહેર થયા બાદ વિદ્યાર્થીઓ બોર્ડની સત્તાવાર વેબસાઈટ પર જઈને વિષયવાર ગુણ જોઈ શકશે અને તેની પ્રિન્ટ પણ લઈ શકશે.
કઈ વેબસાઈટ પર જોશો પરિણામ?
પરિણામ જોવા માટે બોર્ડ દ્વારા અનેક વેબસાઈટ ઉપલબ્ધ કરાવવામાં આવી છે જેથી ટ્રાફિકને કારણે સર્વર ડાઉન ન થાય. વિદ્યાર્થીઓ નીચેની લિંક્સ પર જઈને પોતાનું રિઝલ્ટ ચેક કરી શકે છે:
https://sscresult.mahahsscboard.in/
https://mahahsscboard.in
https://results.digilocker.gov.in
https://sscresult.mkcl.org
ઓનલાઇન પરિણામ જોવાની સ્ટેપ-બાય-સ્ટેપ રીત
ઓનલાઇન રિઝલ્ટ જોવા માટે સૌ પ્રથમ ઉપર જણાવેલ કોઈ પણ વેબસાઈટ પર જાઓ. ત્યાં ‘SSC Examination March 2026 Result’ લિંક પર ક્લિક કરો. હવે તમારો સીટ નંબર (Seat Number) દાખલ કરો અને ત્યારબાદ માતાનું નામ (Mother’s First Name) અંગ્રેજીમાં ટાઈપ કરો. બધી વિગતો ભર્યા પછી ‘View Result’ બટન પર ક્લિક કરતા જ તમારું પરિણામ સ્ક્રીન પર દેખાશે. આ માર્કશીટની ડિજિટલ કોપી ડાઉનલોડ કરીને સાચવી લેવી જરૂરી છે.
SMS અને ડિજીલોકર દ્વારા પણ મળશે સુવિધા
જો ઇન્ટરનેટ ન ચાલતું હોય તો તમે SMS દ્વારા પણ પરિણામ જાણી શકો છો. તમારા મોબાઈલના મેસેજ બોક્સમાં જઈને MHSSC [Seat Number] ટાઈપ કરો અને તેને 57766 પર મોકલી દો. વળતા મેસેજમાં તમને પરિણામ મળી જશે. આ ઉપરાંત, વિદ્યાર્થીઓ પોતાની ઓરિજિનલ જેવી માર્કશીટ ડિજીલોકર (DigiLocker) પરથી પણ ડાઉનલોડ કરી શકે છે. જો કોઈ વિદ્યાર્થીને ગુણ ચકાસણી (Rechecking) કરાવવી હોય, તો તેઓ પરિણામ જાહેર થયા બાદ બોર્ડની વેબસાઈટ પરથી ઓનલાઇન અરજી કરી શકશે.
👉 આ સમાચાર વાચો:
Heavy Rain Alert Maharashtra।મહારાષ્ટ્રમાં વરસાદી માહોલ! આગામી ૩ દિવસ મેઘગર્જના સાથે તૂટી પડશે વરસાદ, આ જિલ્લાઓ માટે ખાસ સૂચના
