News Continuous Bureau | Mumbai
Maharashtra Weather Update ભારતીય હવામાન વિભાગ (India Meteorological Department IMD) દ્વારા મહારાષ્ટ્રના ૨૧ જેટલા જિલ્લાઓમાં આગામી ૨૪ થી ૪૮ કલાક દરમિયાન મુસળધારથી અતિભારે વરસાદ (Heavy Rainfall) ની ચેતવણી આપવામાં આવી છે.
Maharashtra Weather Update – ઓડિશા પર સક્રિય ડીપ ડિપ્રેશનની મહારાષ્ટ્રમાં અસર
હવામાન વિભાગના જણાવ્યા અનુસાર, છત્તીસગઢ અને ઓડિશા નજીક બંગાળની ખાડીમાં ડીપ ડિપ્રેશન (Deep Depression) નામની ચક્રવાતી સિસ્ટમ સક્રિય થઈ છે. આ વાવાઝોડાની સિસ્ટમ પશ્ચિમ-ઉત્તરપશ્ચિમ દિશા તરફ આગળ વધી રહી હોવાથી મહારાષ્ટ્રના વાતાવરણમાં મોટો ફેરફાર થયો છે. કોંકણ (Konkan), વિદર્ભ (Vidarbha) અને મરાઠવાડા (Marathwada) ના વિસ્તારોમાં કલાકના ૪૦ થી ૪૫ કિલોમીટરની ઝડપે પવન ફૂંકાવાની સાથે ભારે વરસાદની શક્યતા વ્યક્ત કરવામાં આવી છે.
Maharashtra Weather Update – આ જિલ્લાઓ માટે ઓરેન્જ અને રેડ એલર્ટ જાહેર
હવામાન ખાતા દ્વારા વિદર્ભના ગોંદિયા (Gondia) જિલ્લા માટે રેડ એલર્ટ (Red Alert) જાહેર કરવામાં આવ્યું છે. જ્યારે મુંબઈ (Mumbai), થાણે (Thane), પુણે ઘાટ વિસ્તાર (Pune Ghat), રત્નાગિરી (Ratnagiri), રાયગઢ (Raigad), નાગપુર (Nagpur), ભંડારા (Bhandara), વર્ધા (Wardha), અને ચંદ્રાપુર (Chandrapur) સહિતના વિસ્તારો માટે ઓરેન્જ એલર્ટ (Orange Alert) અને યલો એલર્ટ પાઠવવામાં આવ્યું છે. આ સિવાય નાસિક, જળગાંવ, ધૂળે, બીડ, પરભણી અને હિંગોલીમાં વીજળીના કડાકા-ભડાકા સાથે વરસાદી ઝાપટાં પડે તેવી સંભાવના છે.
Maharashtra Weather Update – ખેતીના પાકને જીવતદાન મળતા ખેડૂતોમાં આનંદ
જૂન મહિનામાં ઓછો વરસાદ થયા બાદ જુલાઈ મહિનાના અંતમાં શરૂ થયેલા આ સાર્વત્રિક વરસાદથી (Monsoon) ખેડૂતોમાં ખુશીની લહેર દોડી ગઈ છે. નાંદેડ, ગોંદિયા અને વિદર્ભના અન્ય જિલ્લાઓમાં વરસાદના કારણે ખરીફ પાક (Kharif Crops) અને ડાંગરની ખેતીને મોટો ફાયદો થશે. જોકે, નદી-નાળાઓમાં પૂરની સ્થિતિ અને નીચાણવાળા વિસ્તારોમાં પાણી ભરાવાની (Waterlogging) શક્યતાને ધ્યાનમાં રાખીને વહીવટીતંત્રે લોકોને નદીકિનારે જવાનું ટાળવા અને સાવચેત રહેવાની સલાહ આપી છે.
👉 આ સમાચાર વાચો:
Supreme Court pellet gun notice સુપ્રીમ કોર્ટમાં પેલેટ ગન પર સુનાવણી, હથિયારના ઉપયોગ પર પ્રતિબંધ મૂકવાની અરજી સંદર્ભે કેન્દ્રને નોટિસ. .
