ટોકયો ઓલમ્પિક 2020માં સિલ્વર મેડલ જીતનાર વેટલિફ્ટર મીરાબાઈ ચાનુ પર ભારત પરત પહોંચતા જ ઇનામોની ભરમાર શરૂ થઈ ગઈ છે.
રાજ્ય સરકારે મીરાબાઈ ચાનુને મણિપુર પોલીસમાં એડિશનલ એસપી (સ્પોર્ટ્સ) નાં હોદ્દા પર નિમણુક કરવાનો નિર્ણય કર્યો છે.
સાથે જ રાજ્ય સરકારે મીરાબાઈને 1 કરોડ રૂપિયાનાં રોકડ પુરસ્કાર આપવાની જાહેરાત પણ કરી છે.
આ ઉપરાંત ટોકિયો ઓલિમ્પિકમાં ભાગ લેનારા રાજ્યના તમામ ખેલાડીઓને 25-25 લાખનું ઈનામ આપવામાં આવશે.
ઉલ્લેખનીય છે કે ચાનૂ, સુશીલા અને દિગ્ગજ મુક્કેબાજ મેરીકોમ સહિત મણીપુરના ઓછામાં ઓછા પાંચ ખેલાડી ટોકિયો ઓલિમ્પિકમાં ભારતનું પ્રતિનિધિત્વ કરી રહ્યાં છે.
