News Continuous Bureau | Mumbai
રાજસ્થાનના નાગૌર જિલ્લામાં ત્રણ ખેડૂત ભાઈઓએ ઈતિહાસ રચ્યો છે. ભત્રીજીના લગ્નમાં 3 કરોડ 21 લાખનું મામેરુ લઈને પહોંચ્યા હતા. હાલ સમગ્ર રાજ્યમાં તેની ચર્ચા થઈ રહી છે. મીડિયામાં પ્રકાશિત અહેવાલો મુજબ નાગૌર જિલ્લામાં રહેતા એક જાટ પરિવારે તેમની ભાણેજના લગ્નમાં મામેરું એટલું મોટું લીધું કે તેને ઐતિહાસિક મામેરાનો એક નવો રેકોર્ડ બન્યો. આ મામેરામાં મામાએ ભાણીને એટલુ બધુ આપ્યું કે તેને જોવા માટે ગામના લોકોનું ટોળુ એકઠું થઈ ગયું હતું.
સમૃદ્ધ કૃષિ પરિવાર પાસે લગભગ સાડા 300 વીઘા જમીન છે. મામેરામાં 81 લાખ રૂપિયા રોકડા, 16 વીઘા જમીમ, 30 લાખનો પ્લોટ, 41 તોલા સોનું, 3 કિલો ચાંદી આપવામાં આવી હતી. તેમજ નવું ટ્રેક્ટર, ડાંગર ભરેલી ટ્રોલી અને સ્કુટી પણ આપી હતી.. એટલું જ નહીં ગામના દરેક પરિવારને ચાંદીનો સિક્કો પણ આપવામાં આવ્યો હતો. જમીન-દાગીના અને વાહન અને રોકડ સહિત લગભગ 3 કરોડ 21 લાખ રૂપિયા થાય છે.
આ સમાચાર પણ વાંચો : અન્નદાતા સામે ઝૂકી સરકાર.. મહારાષ્ટ્ર સરકારે ખેડૂતોની આટલા ટકા માંગણીઓ સ્વીકારી, આંદોલન રખાયું મોકૂફ…
ઉલેખનીય છે કે અહીં ઐતિહાસિક મામેરા ભરવાની પરંપરા વર્ષોથી ચાલી આવે છે. આ પહેલા પણ આવા અનેક મામેરાઓ ભરાઈ ચુક્યા છે. આ પહેલા ભરાયેલા મામેરાઓમાં કુલ રકમ 1 કરોડ સુધીની હતી, પરંતુ તાજેતરમાં ભરાયેલા આ મામેરાએ અગાઉ ભરાયેલા મામેરાના તમામ રેકોર્ડ તોડી નાખ્યા છે.
