News Continuous Bureau | Mumbai
Raj Thackeray : પનવેલ (Panvel) ખાતે યોજાયેલી મહારાષ્ટ્ર નવનિર્માણ સેના (MNS) ની નિર્ધારણ બેઠક બાદ રાયગઢ (Raigad) જિલ્લાના કાર્યકરોએ અટકેલા મુંબઈ-ગોવા હાઈવે (Mumbai- Goa Highway) ના કામના સંદર્ભમાં આક્રમક વલણ અપનાવવાનું શરૂ કર્યું છે. રાજ ઠાકરે (Raj Thackeray) ની સભા બાદ તરત જ તેના પ્રત્યાઘાત આજે માનગાંવ તાલુકામાં જોવા મળ્યા છે. ચેતક એન્ટરપ્રાઈઝ હેઠળ સની કન્સ્ટ્રક્શન કંપની દ્વારા ઈન્દાપુરથી લખપલે માનગાંવ બાયપાસનું કામ કરવામાં આવી રહ્યું છે. માનગાંવના ગણેશ નગર ખાતે આવેલી તે કંપનીની ઓફિસના કોન્ફરન્સ હોલમાં MNS દક્ષિણ રાયગઢ જિલ્લા પ્રમુખ દેવેન્દ્ર ગાયકવાડના માર્ગદર્શન હેઠળ માથાડી કામગર સેનાના પ્રમુખ સંજય ગાયકવાડ, ચીમન સુખદરે અને કાર્યકરોએ ખુરશીઓ અને ફર્નિચરની તોડફોડ કરી હતી.
આ સમાચાર પણ વાંચો : Viral Infection : મુંબઈકર સાવધાન! રાજ્યમાં રોગચાળાએ લીધો ભરડો; મુંબઈ, ગઢચિરોલીમાં મેલેરિયાના આટલા ટકા દર્દીઓ.. આંખ આવવાના કિસ્સા પણ વધ્યા.. આરોગ્ય વિભાગે જાહેર કરી માહિતી..
બાંધકામ મંત્રી રવિન્દ્ર ચવ્હાણે ઓફિસમાં તોડફોડના મામલાની નોંધ લીધી..
16 ઓગસ્ટના રોજ બપોરે MNSના અધિકારીઓ અને ચેતક એન્ટરપ્રાઈઝ હેઠળની સન્ની કન્સ્ટ્રક્શન કંપનીના અધિકારીઓની ચેતક કંપનીના અધિકારીઓ સાથે બેઠક થઈ હતી.દરમિયાન ઈન્દાપુરથી લખપલે તબક્કામાં કંપની દ્વારા ધીમી ગતિએ ચાલતી કામગીરીના કારણે સતત ટ્રાફિક જામ થઈ જતો હતો. મનગાંવ બાયપાસ અટકી જવાને કારણે માનગાંવ શહેરમાં જામ આવા બધા કારણથી MNS દક્ષિણ રાયગઢ જિલ્લા પ્રમુખ દેવેન્દ્રએ આક્રમક વલણ અપનાવતા ગાયકવાડ અને તેના સાથીદારોએ કંપની ઓફિસના કોન્ફરન્સ હોલમાં ખુરશીઓ, ફર્નિચર અને સામાન તોડ્યો હતો. એક જ હંગામાંથી ચેતક કંપનીના પ્લાન્ટની આસપાસના વિસ્તારમાં ભયનો માહોલ સર્જાયો હતો. MNS દક્ષિણ રાયગઢ જિલ્લા પ્રમુખ દેવેન્દ્ર ગાયકવાડે કહ્યું છે કે મહારાષ્ટ્ર નવનિર્માણ સેના પ્રમુખ રાજસાહેબ ઠાકરેના આદેશ અનુસાર અમે આ આક્રમક વલણ અપનાવ્યું છે.
મહારાષ્ટ્ર રાજ્યના જાહેર બાંધકામ મંત્રી રવિન્દ્ર ચવ્હાણે માનગાંવમાં આ કન્સ્ટ્રક્શન કંપનીની ઓફિસમાં તોડફોડના મામલાની નોંધ લીધી છે. આ સંદર્ભે મંત્રી રવિન્દ્ર ચવ્હાણે રાયગઢના પોલીસ અધિક્ષક સોમનાથ ખરગે સાથે ફોન પર ચર્ચા કરી અને ઓફિસમાં તોડફોડ કરનાર સંબંધિત વ્યક્તિઓ સામે તાત્કાલિક કેસ દાખલ કરવા અને તેમની સામે કાર્યવાહી કરવા સૂચના આપી છે.મુંબઈ-ગોવા હાઈવેના અટકેલા કામને લઈને MNSએ આક્રમક વલણ અપનાવ્યું છે. હવે જોવાનું રહેશે કે MNS આ આંદોલનને કેવી રીતે આગળ વધારશે.
