News Continuous Bureau | Mumbai
Mumbai Rains: મુંબઈ (Mumbai) વિભાગના IMD અધિકારીઓએ જણાવ્યું કે વહેલી સવારથી ભારે વરસાદને ધ્યાનમાં રાખીને IMD પરિસ્થિતિની સમીક્ષા કરશે અને તે મુજબ એલર્ટમાં ફેરફાર કરશે. થાણે, રાયગઢ, રત્નાગીરી અને પુણે સહિત અન્ય પ્રદેશોમાં ઓરેન્જ એલર્ટ (Orange Alert) જારી કરવામાં આવ્યું છે. દરમિયાન, પાલઘરમાં તમામ શાળા અને કોલેજો બંધ કરી દેવામાં આવી છે. થાણે જિલ્લાની તમામ પ્રાથમિક, માધ્યમિક અને ઉચ્ચતર માધ્યમિક શાળાઓમાં પણ રજા જાહેર કરવામાં આવી છે.
મુંબઈકરોને પાણી પૂરું પાડતા 7 તળાવો પૈકી, મોડક સાગર તળાવ (Modak Sagar Lake) 27 જુલાઈ, 2023 ના રોજ રાત્રે 10:52 વાગ્યે ઓવરફ્લો થવાનું શરૂ થયું. બૃહન મુંબઈ મ્યુનિસિપલ કોર્પોરેશને અપડેટેડ વીડિયો સાથે આ જ ટ્વિટ કર્યું છે. મોડક સાગર એ થાણે જિલ્લામાં વૈતરણા નદી પર સ્થિત એક તળાવ છે. તે 163.15 મીટરનું ઓવરફ્લો લેવલ ધરાવે છે, જે મુંબઈ શહેરને પાણી પૂરું પાડતા તળાવોમાં બીજા નંબરનું સૌથી મોટું તળાવ બને છે.
मुंबईकरांना पाणीपुरवठा करणा-या ७ तलावांपैकी मोडक सागर तलाव आज (२७ जुलै २०२३) रात्री १० वाजून ५२ मिनिटांनी भरुन ओसंडून वाहू लागला आहे.#BMC #BmcUpdates pic.twitter.com/507yzKd8tL
— माझी Mumbai, आपली BMC (@mybmc) July 27, 2023
મુંબઈમાં ભારે વરસાદ યથાવત
મુંબઈને તેનો પાણી પુરવઠો અપર વૈતરણા, મોડક સાગર, તાનસા, મધ્ય વૈતરણા, ભાતસા, વેહાર અને તુલસીના સાત તળાવોમાંથી મળે છે. ભારે વરસાદને કારણે મહારાષ્ટ્રના થાણેના કેટલાક વિસ્તારોમાં પાણી ભરાયા છે. મહારાષ્ટ્રના નાંદેડના કેટલાક ભાગોમાં અવિરત વરસાદને કારણે પાણી ભરાઈ જવાના કારણે મુસાફરોને અસુવિધાનો સામનો કરવો પડે છે.
28 જુલાઈના રોજ સવારે 6 વાગ્યે BMCના અહેવાલ મુજબ મુંબઈકરોને પાણી પૂરું પાડતા સાત તળાવોમાંથી ચાર ઓવરફ્લો થઈ રહ્યા છે. 27 જુલાઈના રોજ મુંબઈના સાત તળાવોમાં પાણીનો જથ્થો 61.58% હતો. અપર વૈતરણામાં ઉપયોગી પાણી 42.78% છે. જ્યારે મધ્ય વૈતરણામાં તે 79.70% છે. ભાતસામાં પાણીનું સ્તર 59.22% છે.
આ સમાચાર પણ વાંચો : Royal Enfield Gasoline: આવી ગયું ઇલેક્ટ્રિક ‘બુલેટ’! બાઇક જબરદસ્ત રેન્જ અને રિવર્સ મોડમાં પણ ચાલશે.. જાણો અહીંયા બાઈકના વિવિધ ફિસર્ચ….
