News Continuous Bureau | Mumbai
માર્ચની શરૂઆત માં મુંબઈમાં વાદળછાયું આકાશ દેખાવાનું શરૂ થઈ ગયું છે. ગયા સપ્તાહથી સ્થિર રહેલા મુંબઈના તાપમાનમાં શુક્રવારે થોડો ફેરફાર જોવા મળ્યો હતો. મુંબઈનું તાપમાન 2.7°C વધીને 34°C અને ઉપનગરોમાં 2.6°C થી વધીને 35.5°C રહ્યું. 3 માર્ચે, બુલઢાણા જિલ્લાનું મહત્તમ તાપમાન 5.4 ડિગ્રી સેલ્સિયસ અને રત્નાગીરીનું 5.2 ડિગ્રી સેલ્સિયસ વધ્યું હતું. અકોલા જિલ્લો 38.2 ડિગ્રી સેલ્સિયસ તાપમાને મહારાષ્ટ્રનું સૌથી ગરમ શહેર હતું.
દરમિયાન રાજ્યમાં વાતાવરણમાં સતત બદલાવ થઈ રહ્યો છે અને ભારતીય હવામાન વિભાગ દ્વારા આપવામાં આવેલી આગાહી મુજબ રાજ્યના ઘણા ભાગોમાં આજથી 6 માર્ચ સુધી વરસાદની શક્યતા છે. મરાઠવાડાના પરભણી જિલ્લાની સાથે છત્રપતિ સંભાજીનગર, જાલના, બીડમાં પણ તોફાની પવન સાથે વરસાદ થવાની આગાહી કરવામાં આવી છે. હાલ ઘઉંની લણણી ચાલી રહી છે અને કમોસમી વરસાદે ખેડૂતોની ચિંતામાં વધારો કર્યો છે. આ ઉપરાંત આ વરસાદથી અન્ય પાકોને પણ અસર થવાની શક્યતા છે. જોકે મુંબઈમાં વાદળછાયું વાતાવરણ હોવા છતાં હજુ વરસાદની આગાહી કરવામાં આવી નથી.
છત્રપતિ સંભાજીનગર, જાલના જિલ્લામાં 5 અને 6 માર્ચના રોજ છૂટાછવાયા સ્થળોએ તોફાન, ગાજવીજ, વીજળીના કડાકા સાથે હળવાથી મધ્યમ વરસાદની શક્યતા છે. દરમિયાન છત્રપતિ સંભાજીનગર જિલ્લામાં શનિવારે ગાજવીજ સાથે હળવો વરસાદ પડશે. 7 માર્ચે, છૂટાછવાયા ગાજવીજ સાથે હળવાથી મધ્યમ વરસાદની શક્યતા છે.
આ સમાચાર પણ વાંચો : Royal Enfield એ Interceptor 650 અને Continental GT 650નું એલોય વ્હીલ વર્ઝન લોન્ચ કર્યું, જાણો એન્જિન અને ડિઝાઇનની સંપૂર્ણ વિગતો
જલના જિલ્લામાં 7 માર્ચે છૂટાછવાયા ગાજવીજ સાથે હળવાથી મધ્યમ વરસાદની અપેક્ષા છે. પરભણી જિલ્લામાં 7 માર્ચે અલગ-અલગ સ્થળોએ ગાજવીજ સાથે વરસાદ થવાની સંભાવના છે. બીડ જિલ્લામાં 5 થી 7 માર્ચ દરમિયાન ગાજવીજ સાથે હળવાથી મધ્યમ વરસાદની અપેક્ષા છે. રસપ્રદ વાત એ છે કે, આગામી પાંચ દિવસ સુધી મરાઠવાડામાં પવનની ઝડપ વધુ રહેવાની શક્યતા છે.
હાલમાં દ્રાક્ષ કાપણીની સિઝન ચાલી રહી છે. જો હવામાન વિભાગની આગાહી મુજબ વરસાદ પડશે તો દ્રાક્ષના ખેડૂતોને મોટો ફટકો પડે તેવી શક્યતા છે. પલ્પને નુકસાન થવાથી ફૂગના હુમલાની સંભાવના છે. સાથે જ વરસાદને કારણે અન્ય પાકને પણ અસર થવાની શક્યતા છે.
