News Continuous Bureau | Mumbai
Kedarnath Heli Service: કેદારનાથ સહિત ચારધામ યાત્રાની ( Chardham Yatra ) તારીખોની હવે જાહેર કરવામાં આવી છે. ઉત્તરાખંડની ચાર ધામ યાત્રા 2024 બહુ જલ્દી શરૂ થવા જઈ રહી છે. જો કે આ વખતે યાત્રા કરતા યાત્રિકોને મોંઘવારીનો માર સહન કરવો પડશે. કેદારનાથ, બદ્રીનાથ, ગંગોત્રી, યમુનોત્રીના દર્શન કરવા દેશભરમાંથી મોટી સંખ્યામાં શ્રદ્ધાળુઓ આવે છે. જો કે આ વખતે કેદારનાથ ધામ પર હેલીપેડ સેવાના ( helipad service ) ભાડામાં વધારો કરવામાં આવ્યો છે. ગયા વર્ષની સરખામણીમાં કેદારનાથ ( Kedarnath ) હેલીપેડ સેવાના ભાડામાં પાંચ ટકાનો વધારો કરવામાં આવ્યો છે. જેમાં આ વખતે પણ ટિકિટ બુકિંગ IRCTC વેબસાઇટ જ દ્વારા કરવામાં આવશે. ઉલ્લેખનીય છે કે આ વખતે પણ કેદારનાથમાં નવ ઓપરેટરોની સેવાઓ જ ઉપલબ્ધ થશે. જોકે, આમાં એક ફેરફાર થયો છે. આમાં કેસ્ટ્રેલ એવિએશનની જગ્યાએ હવે ટ્રાન્સભારત સેવા આપશે.
હેલીપેડ સર્વિસનું બુકિંગ એપ્રિલના પહેલા સપ્તાહથી શરૂ થશે…
ઉત્તરાખંડ નાગરિક ઉડ્ડયન પરિષદ ( UCADA ) એ કેદારનાથ ધામ માટે હેલિકોપ્ટર સેવાનું ભાડું નક્કી કર્યું છે. UCADA એ ગયા વર્ષે ચારધામ માટે સેવા પૂરી પાડવા માટે ઓપરેટર અને ભાડું નક્કી કર્યું હતું. જેમાં નિર્ધારિત ધોરણો મુજબ, હવે ઓપરેટરના મૂળભૂત ભાડામાં પાંચ ટકાનો વધારો ( Price Hike ) કરવામાં આવી રહ્યો છે. જો કે, ગયા વર્ષે, હેલીપેડ સેવાઓનું વન-વે ભાડું સિર્સિથી રૂ. 2749, ફાટાથી રૂ. 2750 અને ગુપ્તકાશીથી રૂ. 3870 નક્કી કરવામાં આવ્યું હતું.
આ સમાચાર પણ વાંચો : Mumbai: બેંકના લોકરમાંથી ₹3 કરોડથી વધુની કિંમતના સોનાના દાગીનાની ચોરી કરવા બદલ SBI સર્વિસ મેનેજરની ધરપકડ..
જેમાં હવે આ વર્ષે, તમારે હેલીપેડ સેવા માટે ફાટા માટે 390 રૂપિયા વધુ અને સિર્સિથી 409 રૂપિયા વધુ ચૂકવવા પડશે. કહેવામાં આવી રહ્યું છે કે ગુપ્તકાશીથી ભાડામાં પાંચ રૂપિયાની મામૂલી રાહત આપવામાં આવી રહી છે. નોંધનીય છે કે, આ હેલીપેડ સર્વિસનું બુકિંગ એપ્રિલના પહેલા સપ્તાહથી શરૂ થશે. બુકિંગ પહેલા મુસાફરોએ રજીસ્ટ્રેશન કરાવવું પડશે.
