News Continuous Bureau | Mumbai
PM Modi in Varanasi: PM નરેન્દ્ર મોદી ગુરુવારે મોડી રાત્રે ગુજરાતથી સીધા તેમના સંસદીય ક્ષેત્ર વારાણસી પહોંચ્યા હતા. અહીં આજે તેઓ ઘણા વિકાસ પ્રોજેક્ટની શરૂઆત કરશે. પીએમ મોદી જ્યારે વાતપુર એરપોર્ટ પર ઉતર્યા ત્યારે સીએમ યોગી, ભાજપ યુપી અધ્યક્ષ ભૂપેન્દ્ર ચૌધરી સહિત અનેક નેતાઓએ તેમનું સ્વાગત કર્યું. તે પછી તેમણે રોડ શો પણ કર્યો હતો.
અડધી રાત્રે નિરીક્ષણ કરવા પહોંચ્યા
વારાણસી પહોંચતાની સાથે જ પીએમ મોદીની એક્શન દેખાઈ હતી અને તેઓ અડધી રાત્રે નિરીક્ષણ કરવા રોડ પર આવી ગયા હતા. આ દરમિયાન તેમની સાથે યુપીના મુખ્યમંત્રી યોગી આદિત્યનાથ પણ હાજર હતા. PM મોદી ગુજરાતથી વારાણસી પહોંચ્યા કે તરત જ PM મોદીએ સૌથી પહેલા કામને પ્રાથમિકતા આપી અને તેમણે લગભગ 11 વાગ્યે વારાણસીના શિવપુર-ફુલવરિયા-લહરતરા રોડનું નિરીક્ષણ કર્યું. પીએમ મોદી સાથે ઉત્તર પ્રદેશના મુખ્યમંત્રી યોગી આદિત્યનાથ પણ હાજર રહ્યા હતા. થોડીવાર રસ્તા પર લટાર માર્યા બાદ પીએમ મોદી રાત્રે BLW ગેસ્ટ હાઉસ જવા રવાના થયા હતા.
લોકોને થયો આ ફાયદો
મહત્વનું છે કે વડા પ્રધાને જે ફોર લેન બ્રિજનું નિરીક્ષણ કર્યું હતું તેનું ઉદ્ઘાટન તાજેતરમાં કરવામાં આવ્યું હતું. જેના કારણે શહેરના દક્ષિણ ભાગમાં રહેતા લોકોને ઘણી સગવડતા મળી છે. ખુદ પીએમ મોદીએ સોશિયલ મીડિયા દ્વારા આ જાણકારી આપી છે.
આ રસ્તાએ શહેરના દક્ષિણ ભાગમાં રહેતા લગભગ 5 લાખ લોકોને મદદ કરી છે, જેઓ વારાણસી એરપોર્ટ, લખનૌ, આઝમગઢ અને ગાઝીપુર તરફ મુસાફરી કરવા માગે છે. આનો સીધો ખ્યાલ મેળવવા માટે પીએમ મોદી ઉત્તર પ્રદેશના મુખ્યમંત્રી યોગી આદિત્યનાથ સાથે અડધી રાત્રે ત્યાં પહોંચ્યા હતા. જ્યારે વડા પ્રધાન ત્યાં પહોંચ્યા ત્યારે તેમણે બાળકો, ગૃહિણીઓ અને પુરુષોને તેમના ઘરની બહાર અથવા તેમના ધાબા પર જોયા. આ પછી વડાપ્રધાને હાથ મિલાવીને ત્યાં હાજર લોકોનું અભિવાદન કર્યું હતું.
મુસાફરીના સમયની થાય છે બચત
એટલું જ નહીં, 360 કરોડના ખર્ચે બનેલો આ રોડ બનારસ હિંદુ યુનિવર્સિટી અને વારાણસી એરપોર્ટ વચ્ચેનો પ્રવાસ સમય 75 મિનિટથી ઘટાડીને 45 મિનિટ કરે છે. એ જ રીતે, તે લહરતારા અને કાચરી વચ્ચેનો મુસાફરીનો સમય પણ 30 મિનિટથી ઘટાડીને 15 મિનિટ કરે છે.
જોકે, આ પહેલીવાર નથી. 2021 માં, PM એ લાંબી યુએસ મુલાકાતથી પાછા ફર્યા પછી રવિવારે રાત્રે લગભગ 8:45 વાગ્યે નવી સંસદ ભવનનાં નિર્માણ સ્થળની ઓચિંતી મુલાકાત લીધી હતી. તેમણે સંસદ ભવનનું સીધું નિરીક્ષણ કરવા માટે ત્યાં લગભગ એક કલાક વિતાવ્યો હતો.
