News Continuous Bureau | Mumbai
Rahul Narwekar પ્રખ્યાત ગાયિકા આશા ભોંસલેના નિધન અંગે વિધાનસભામાં શોક પ્રસ્તાવ વાંચતી વખતે થયેલી ભૂલો બદલ વિધાનસભા અધ્યક્ષ રાહુલ નાર્વેકરે દિલગીરી વ્યક્ત કરી છે.
Rahul Narwekar – પ્રસ્તાવમાં શું હતી ભૂલ?
વિધાનસભાના અધ્યક્ષ રાહુલ નાર્વેકર (Rahul Narwekar) દ્વારા કરવામાં આવેલ શોક પ્રસ્તાવના વાંચન દરમિયાન કેટલાક શબ્દોના ઉચ્ચારણમાં ભૂલો થઈ હતી, જેનો વીડિયો સોશિયલ મીડિયા પર વાયરલ થયા બાદ ભારે ટીકાઓ થઈ હતી. રાજ ઠાકરે સહિત અનેક લોકોએ આ મુદ્દે નારાજગી વ્યક્ત કરી હતી. આ વિવાદ વધતા બુધવારે સવારે ગૃહનું કામકાજ શરૂ થતા જ નાર્વેકરે સ્પષ્ટતા કરી હતી કે, તેમની પાસે આવેલી પ્રસ્તાવની નકલ ખૂબ જ નાની અને અસ્પષ્ટ હતી, જેને કારણે વાંચતી વખતે ટેકનિકલ ભૂલો થઈ હતી.
Rahul Narwekar – મરાઠી ભાષા પ્રત્યે વ્યક્ત કર્યો ગર્વ
આ સમગ્ર મામલે નાર્વેકરે પોતાનો પક્ષ રજૂ કરતા કહ્યું કે, તેઓ છેલ્લા સાડા ચાર વર્ષથી વિધાનસભા અધ્યક્ષ તરીકે ફરજ બજાવી રહ્યા છે અને ગૃહનું તમામ કામકાજ મરાઠીમાં જ થાય છે. તેમને પોતાની માતૃભાષા મરાઠી પ્રત્યે અત્યંત ગર્વ છે અને તેમણે અત્યાર સુધી અનેક ભાષણો તથા પ્રસ્તાવો મરાઠીમાં જ રજૂ કર્યા છે. તેમણે સ્પષ્ટ કર્યું કે આ ભૂલ કોઈ ઈરાદાપૂર્વક કરવામાં આવી નથી, પરંતુ માત્ર નકલમાં રહેલી ખામીઓને કારણે થઈ છે.
Rahul Narwekar – દિલગીરી વ્યક્ત કરીને વિવાદનો અંત
રાહુલ નાર્વેકરે વધુમાં જણાવ્યું હતું કે, આશાતાઈ ભોંસલે (Asha Bhosle) જેવા દિગ્ગજ કલાકાર વિશે કોઈ પણ વ્યક્તિ અપમાનજનક બોલવાનું વિચારી પણ ન શકે. તેમના દ્વારા જે કંઈ પણ બોલાઈ ગયું તે એક ભૂલ હતી, તેનો કોઈ ખોટો અર્થ કાઢવો જોઈએ નહીં. અંતમાં તેમણે કહ્યું કે, તેમના શબ્દોથી જો રાજ્યના કોઈ નાગરિક કે ગૃહના સભ્યનું મન દુભાયું હોય, તો તેઓ નિષ્ઠાપૂર્વક દિલગીરી વ્યક્ત કરે છે અને આ સાથે જ તેમણે આ વિષયનો અંત લાવ્યો હતો.
👉 આ સમાચાર વાચો:
Heavy Rainfall ભારે વરસાદ વચ્ચે માલશેજ ઘાટમાં લેન્ડસ્લાઈડ, રસ્તો બંધ; મુસાફરોની સુરક્ષા જોખમમાં
