News Continuous Bureau | Mumbai
રાજકીય વર્તુળમાંથી મોટા સમાચાર સામે આવ્યા છે.કર્ણાટકમાં ભાજપના ધારાસભ્યએ શુક્રવારે (31 માર્ચ) ના રોજ ઉતાવળમાં તેમના પદ પરથી રાજીનામું આપી દીધું છે. તેમજ હવે આ દિગ્ગજ નેતા કઇ પાર્ટીમાં જોડાશે તે અંગે પણ ચર્ચાઓ શરૂ થઇ છે. જોકે, પ્રાપ્ત માહિતી અનુસાર આ નેતા કોંગ્રેસ પક્ષનો ‘હાથ’ પકડે તેવી શક્યતાઓ રાજકીય વર્તુળોમાં ઉભી થઈ છે.
કુદલિગી વિધાનસભા મતવિસ્તારના બીજેપી ધારાસભ્ય એનવાય ગોપાલકૃષ્ણએ ધારાસભ્ય પદનો ત્યાગ કર્યો છે. એવું પણ કહેવામાં આવી રહ્યું છે કે ગોપાલકૃષ્ણ કોંગ્રેસમાં ઘર વાપસી કરશે.
આ સમાચાર પણ વાંચો : વર્લ્ડ કપ 2023: શ્રીલંકાનું સપનું ચકનાચૂર, વર્લ્ડ કપમાં સીધી ‘નો એન્ટ્રી’
રાજીનામું સ્પીકરને સુપરત કર્યું
ગોપાલકૃષ્ણએ પોતાનું રાજીનામું વિધાનસભા અધ્યક્ષ વિશ્વેશ્વર હેગડે કાગેરીને સુપરત કર્યું છે. ગોપાલકૃષ્ણ વિધાનસભા અધ્યક્ષની ઓફિસે ગયા હતા. તેમની સાથે ચર્ચા કરી અને પછી રાજીનામું આપ્યું. અહેવાલો અનુસાર, ગોપાલકૃષ્ણે તાજેતરમાં કર્ણાટકના વરિષ્ઠ કોંગ્રેસી નેતાઓ ડીકે શિવકુમાર અને સિદ્ધારમૈયા સાથે થોડા દિવસો પહેલા મુલાકાત કરી હતી અને ચર્ચા કરી હતી.
