News Continuous Bureau | Mumbai
Shiv Sena Candidates List: મહારાષ્ટ્રની મહા વિકાસ અઘાડી (MVA) એ કેટલીક સીટો માટે સીટ શેરિંગ પર અંતિમ નિર્ણય લીધો છે. આમાં શિવસેના યુબીટી નેતા સંજય રાઉતે માહિતી આપી છે કે તેમની પાર્ટી લોકસભાની 48માંથી કુલ 22 સીટો પર ચૂંટણી લડવા જઈ રહી છે. આ માટે 17 બેઠકો પર ઉમેદવારોના નામની જાહેરાત કરવામાં આવી છે. હજી પાંચ ઉમેદરવારોના ( Candidates List ) નામની જાહેરાત હવે કરવામાં આવશે.
શિવસેના યુબીટી ( Shiv Sena UBT ) દ્વારા બુધવાર, 27 માર્ચે પ્રથમ ઉમેદવારોની યાદી બહાર પાડવામાં આવી છે. બાકીની પાંચ બેઠકો જ્યાં ઉમેદવારોની હજુ સુધી જાહેરાત કરવામાં આવી નથી તેમાં ઉત્તર મુંબઈ, કલ્યાણ, જલગાંવ, પાલઘર અને હાતકંળગલેનો સમાવેશ થાય છે.
લલિતા પાટિલને જલગાંવમાં ઉતારી શકે છે….
ઉત્તર મુંબઈ માટે યુબીટી વતી વિનોદ ઘોસાળકરના નામની ચર્ચા થઈ રહી છે . તે જ સમયે, કલ્યાણ માટેના ઉમેદવારનું નામ હજુ સુધી નક્કી કરવામાં આવ્યું નથી. આ સિવાય પાર્ટી લલિતા પાટિલને જલગાંવમાં ઉતારી શકે છે. ઉલ્લેખનીય છે કે, લલિતા પાટીલ તાજેતરમાં જ બીજેપી છોડીને ઉદ્ધવ ઠાકરેની શિવસેના યુબીટીમાં જોડાઈ છે. આ સિવાય પાલઘરમાં ભારતી કામડીનું નામ ચર્ચામાં આવી રહ્યું છે.
આ સિવાય હાતકંળગલે સીટ પર સ્થિતિ થોડી જટિલ છે. સ્વાભિમાની કિસાન સંઘના વડા રાજુ શેટ્ટી મહાવિકાસ અઘાડીમાં જોડાવા માંગે છે, પરંતુ હજુ સુધી કોઈ અંતિમ નિર્ણય લેવાયો નથી. જો શેટ્ટી એમવીએમાં જોડાય છે તો તેઓ આ બેઠક પરથી લોકસભાના ઉમેદવાર હશે. પરંતુ જો તેઓ સ્વતંત્ર ચૂંટણી ( Lok Sabha Election ) લડવાનું નક્કી કરે છે, તો ઉદ્ધવ ઠાકરેની ( Uddhav Thackeray ) પાર્ટીના બે નેતાઓ રાજુ શેટ્ટી સામે રેસમાં છે. ઠાકરે જૂથમાંથી પહેલું નામ ચેતન નારકેનું છે અને બીજું નામ પૂર્વ ધારાસભ્ય સુજીત મિંચેકરનું છે.
આ સમાચાર પણ વાંચો : IPL Points Table: હૈદરાબાદની મુંબઈ સામે શાનદાર જીત બાદ, IPL પોઈન્ટ ટેબલમાં મોટો બદલાવ.
આ બેઠકો પર ઉદ્ધવ ઠાકરેની સેના
મુંબઈ દક્ષિણમાંથી, અરવિંદ સાવંત
મુંબઈ ઉત્તર-પૂર્વમાંથી, સંજય દીના પાટિલ
મુંબઈ ઉત્તર-પશ્ચિમથી, અમોલ જી. કીર્તિકર
અનંત ગીતે (રાયગઢ)
વિનાયક રાઉત (સિંધુદુર્ગ-રત્નાગીરી)
ચંદ્રકાંત ખૈરે (છત્રપતિ સંભાજીનગર-ઔરંગાબાદ)
ભાઈસાહેબ વાઘચૌરે (શિરડી)
રાજન વિખારે (થાણે)
ઓમરાજ નિમ્બાલકર (ધારાશિવ-ઓસ્માનાબાદ)
પ્રોફેસર નરેન્દ્ર કુમાર (બુલઢાણા)
યવતમાલ-વાશિમ (સંજય દેશમુખ)
સંજોગ વાઘેરે-પાટીલ (માવલ)
ચંદ્રહર પાટીલ (સાંગલી)
નાગેશ પાટીલ-આષ્ટિકર (હિંગોલી)
રાજાભાઈ વાજે (નાસિક)
સંજય જાધવ (પરભણી)
