News Continuous Bureau | Mumbai
NCP સાંસદ સુપ્રિયા સુલેએ દાવો કર્યો છે કે વડાપ્રધાન નરેન્દ્ર મોદી દ્વારા ઉદ્ઘાટન કરાયેલ પુણે મેટ્રોના કામમાં ગંભીર ટેકનિકલ ખામીઓ છે. આ દાવો કરતી વખતે તેમણે એન્જિનિયરો દ્વારા લખેલા પત્રો પર આધાર રાખ્યો છે. સુપ્રિયા સુલેએ માંગણી કરી છે કે આ તમામ બાંધકામોનું ઓડિટ થવું જોઈએ અને ટેકનિકલ ખામીઓ દૂર કરવી જોઈએ.
સુપ્રિયા સુલેએ શું કર્યો દાવો?
સુપ્રિયા સુલેએ પોતાના ટ્વિટર એકાઉન્ટ પર કેટલીક ટ્વિટ કરી છે. આ ટ્વિટમાં તેમણે કહ્યું છે કે વનાજથી ગરવારે કોલેજ સુધી મેટ્રો લાઇનના નિર્માણમાં ટેકનિકલ ખામીઓ છે. સુપ્રિયા સુલેએ જણાવ્યું હતું કે, આ ક્ષેત્રના નિષ્ણાત ઇજનેરોનું કહેવું છે કે વડા પ્રધાન નરેન્દ્ર મોદી દ્વારા ઉદ્ઘાટન કરાયેલ પુણે મેટ્રોના વનાજથી ગરવારે કોલેજ રૂટના નિર્માણમાં કેટલીક ગંભીર ટેકનિકલ ખામીઓ છે.
આ સમાચાર પણ વાંચો : મુંબઈગરાઓ માટે સારા સમાચાર.. આ તારીખથી કોસ્ટલ રોડ જનતા માટે ખુલ્લો મુકાશે! જાણો કેટલું કામ થયું પૂર્ણ…
ભવિષ્યમાં આ રૂટ પર લાખો મુસાફરો દરરોજ મુસાફરી કરવાના છે. તેમની સલામતીને ધ્યાનમાં લઈને સમગ્ર બાંધકામનું તાત્કાલિક ‘સ્ટ્રક્ચરલ ઓડિટ’ કરાવી આ ખામીઓ દૂર કરવી જરૂરી છે. માઝી મહામેટ્રોના મેનેજિંગ ડિરેક્ટર ડૉ. બ્રજેશ દીક્ષિતને વિનંતી કરવામાં આવે છે કે કૃપા કરીને આ બાબતે તાત્કાલિક યોગ્ય પગલાં લો. એવી સુપ્રિયા સુલેએ માંગ કરી છે.
