News Continuous Bureau | Mumbai
Thane hit-and-run: મહારાષ્ટ્રના થાણે ( Thane ) માં હિટ એન્ડ રન ( Hit and Run case ) નો એક કિસ્સો પ્રકાશમાં આવ્યો છે. અહીં એક ઝડપી કારે બાઇક સવારને ટક્કર મારીને તેને ઉડાવી દીધો હતો. આ ઘટનામાં 21 વર્ષના યુવકનું મોત થયું છે. ઘટના બાદ આરોપી કાર ચાલક સ્થળ પરથી ફરાર થઈ ગયો હતો. હવે પોલીસ તેને શોધી રહી છે.
Thane hit-and-run: ડ્રાઈવર ઘટનાસ્થળેથી ફરાર થઈ ગયો
નૌપાડા પોલીસે કાર ચાલકની શોધખોળ હાથ ધરી છે. આ દુર્ઘટના થાણેના નીતિન જંક્શન પર બની હતી. મૃતક વાગલે એસ્ટેટમાં રહે છે. પીડિત વાગલે એસ્ટેટ સ્થિત સંત જ્ઞાનેશ્વર સાંઈકૃપા સદન ચાલનો રહેવાસી હતો. તે ભોજન ખરીદીને ઘરે પરત ફરી રહ્યો હતો ત્યારે આ અકસ્માત થયો. ત્યારે નાસિક હાઈવે તરફ જઈ રહેલી એક મર્સિડીઝે ( Mercedes ) તેને ટક્કર મારી હતી અને ડ્રાઈવર ઘટનાસ્થળેથી ફરાર થઈ ગયો હતો. જોકે બાદમાં પોલીસે કાર કબજે કરી હતી, પરંતુ આરોપી ડ્રાઈવર હજુ ફરાર છે. પોલીસે હાલ આ મામલે તપાસ શરૂ કરી છે.
Thane hit-and-run: આ અકસ્માત મોડી રાત્રે થયો હતો
આ ઘટના સોમવાર-મંગળવારની વચ્ચેની રાત્રે લગભગ 1:50 વાગ્યે બની હતી. જ્યારે પૂરપાટ ઝડપે આવતી કારે દર્શનની મોટરસાઈકલને ટક્કર મારી હતી, જેના કારણે તે જમીન પર પટકાયો હતો અને તેને ગંભીર ઈજાઓ પહોંચી હતી.
આ સમાચાર પણ વાંચો : Maharashtra Naxal Attack : ચૂંટણી પહેલા મહારાષ્ટ્રના ગઢચિરોલીમાં નક્સલવાદીઓ સાથે અથડામણ, સુરક્ષાદળોએ આટલા નક્સલવાદીને માર્યા ઠાર; બે સૈનિકો ઘાયલ..
Thane hit-and-run: પોલીસ લાગી તપાસમાં..
નૌપાડા પોલીસ સ્ટેશને બીએનએસની કલમ 106 (2), 281 અને 125 (બી) અને મોટર વાહન અધિનિયમની સંબંધિત કલમો હેઠળ અજાણ્યા વ્યક્તિ સામે કેસ નોંધ્યો છે. પોલીસ હાલમાં વિસ્તારમાં લગાવેલા સીસીટીવી ફૂટેજની તપાસ કરી રહી છે અને આરોપી ડ્રાઈવરને ઓળખવા અને તેની ધરપકડ કરવા માટે તપાસ શરૂ કરી છે. આરોપી કાર ચાલકની શોધખોળ કરવામાં આવશે અને એ જાણવાનો પ્રયાસ કરવામાં આવશે કે તે નશામાં હતો કે કેમ? કારણ કે તે હિંટ એન્ડ રન કેસ તેમજ ડ્રિંક એન્ડ ડ્રાઈવ કેસ હોઈ શકે છે.
