News Continuous Bureau | Mumbai
Voter: ખાસ સંક્ષિપ્ત સુધારણા કાર્યક્રમ ( special summary reform program ) હેઠળ તા.૦૫મીએ પ્રસિદ્ધ થયેલી આખરી મતદારયાદીના મુસદ્દામાં કુલ ૪૬,૪૭,૪૬૩ નોંધાયા છે, જ્યારે ૮૨,૦૨૪ નવા મતદારો ઉમેરાયા છે, તેમજ ૪૮,૩૨૫ મતદારો કમી થયા છે. કુલ ૬૦,૪૬૧ મતદારોનો નેટ વધારો થયો છે, જેમાં ૧૮–૧૯ વર્ષની વયજુથના કુલ ૩૫,૨૫૯ અને ૨૦–૨૯ વર્ષ વયજુથના કુલ ૨૨,૨૦૧ નાગરિકોની મતદાર તરીકે નોંધણી કરાઇ છે. આખરી મતદાર યાદીમાં ૨૫,૨૩,૦૨૩ પુરુષ, ૨૧,૮૪,૮૯૭ સ્ત્રી તથા ૧૬૨ ત્રીજી જાતિના મતદારો મળીને કુલ ૪૭,૦૮,૦૮૨ નોંધાયેલા મતદારોનો સમાવેશ થાય છે. આ યાદી મુખ્ય નિર્વાચન અધિકારીની વેબસાઈટ (www.ceo.gujarat.gov.in) પર ઉપલબ્ધ કરાવવામાં આવી છે.
મતદારોને ફોટો ઓળખકાર્ડ ( EPIC ) સ્પીડ પોસ્ટ ( Speed post ) મારફત તેઓના ઘરના સરનામાં પર પહોંચાડાશે. અને મતદાર ફોટો ઓળખકાર્ડ ધરાવનાર મતદારનું નામ પ્રવર્તમાન મતદારયાદીમાં સમાવિષ્ટ હશે તો જ સંબંધિત ચૂંટણીમાં મતદાન કરી શકશે. જેથી ( electoral roll ) મતદારયાદીમાં નામ સમાવિષ્ટ થયેલી હોવા અંગે ચકાસણી કરી લેવા સર્વે નાગરિકો/મતદારોને અનુરોધ છે.
આ સમાચાર પણ વાંચો : Metro Rail: ભારતમાં મેટ્રો રેલનો વિકાસ મુસાફરોની વધતી સંખ્યા દ્વારા રેખાંકિત થાય છે
તા.૦૫મી જાન્યુ.ના રોજ પ્રસિદ્ધ આખરી મતદારયાદી બાદ પણ તા.૦૧/૦૧/૨૦૨૪ની લાયકાતની તારીખના સંદર્ભમાં ૧૮ વર્ષ પૂર્ણ કર્યા હોય તેવા લાયકાત ધરાવતા યુવા નાગરિકો તથા મતદારયાદીમાં નોંધણી માટે લાયકાત ધરાવતા બાકી રહેલા તમામ નાગરિકો ‘‘સતત સુધારણા ( Continuous Updation )” હેઠળ મતદારયાદીમાં નામ દાખલ કરવા સંબંધિત મતદાર નોંધણી અધિકારીને નિયત નમૂનામાં અરજી કરી શકે છે. ઉપરાંત પ્રવર્તમાન મતદારયાદીમાંથી નામ કમી કરવા, ફોટો/વિગતમાં સુધારો કરવા, એક જ વિધાનસભા મતવિભાગ હેઠળ સ્થળ ફેરફાર માટે નિયત નમુનામાં અરજી કરી શકે છે. ઉપરાંત, www.voterportal.eci.gov.in તથા www.voters.eci.gov.in અને Voter Helpline Mobile App પર જઈને ઓનલાઈન ફોર્મ પણ ભરી શકાશે એમ અધિક જીલ્લા ચૂંટણી અધિકારી-સુરતની યાદીમાં જણાવાયું છે.
Disclaimer : Except for the headline, this story has not been edited by News Continuous staff and is published from a syndicated feed.
