News Continuous Bureau | Mumbai
સોશિયલ મીડિયા પર દીપડાના હુમલાનો વધુ એક વીડિયો વાયરલ થઈ રહ્યો છે, જે પુણેના જુન્નર શહેરનો જણાવવામાં આવી રહ્યો છે. જ્યાં સોમવારે રાત્રિના અંધારામાં ખુલ્લામાં સૂતેલા લોકોની નજીક એક દીપડો ઘુસી ગયો હતો અને ગાઢ નિંદ્રામાં સુતેલા કૂતરાને ઉપાડી ગયો હતો. આ સમગ્ર ઘટના ત્યાં લાગેલા સીસીટીવી કેમેરામાં કેદ થઈ ગઈ, જેને જોઈને લોકો ચોંકી ગયા છે.
What leopards in agricultural landscapes of western Maharashtra thrive on and bring them SO close to humans = अन्न आणि निवारा i.e. safe shelter in dense sugarcane fields, banana plantations etc. and free-ranging dogs as a common source of food. This leopard knew exactly what he… pic.twitter.com/43vs7kGJcN
— Neha Panchamiya (@neha_panchamiya) May 16, 2023
આ સીસીટીવી ફૂટેજ મુજબ, આ ભયાનક ઘટના 15 મે (સોમવાર)ના રોજ સવારે 2 વાગ્યે બની હતી. આ ક્લિપમાં આપણે જોઈ શકીએ છીએ કે અમુક ટ્રક ખુલ્લા આકાશ નીચે પાર્ક કરેલી છે, જ્યારે લોકો ખાટલા પર સૂઈ રહ્યા છે. અને તેની બાજુમાં એક કૂતરો સુતો છે. આ દરમિયાન, એક શિકારી દીપડો દૂર ઉભેલી ટ્રકની બાજુમાં ઉભો રહે છે અને બાદમાં ધીમે ધીમે આગળ વધે છે. તે કૂતરાની ખૂબ નજીક જાય છે, પરંતુ કૂતરાને તેની હાજરીનો અહેસાસ પણ થતો નથી. પછી શું… દીપડો કૂતરાને એક જ વારમાં પકડીને લઈ જાય છે. કૂતરાનો અવાજ સાંભળીને ખાટલા પર સૂતો વ્યક્તિ ઊંઘમાંથી જાગી જાય છે અને આ ઘટના જોઈને અવાચક થઈ જાય છે. થોડી વાર સુધી આખી ઘટનાને સમજ્યા પછી, તે પોતાનો મોબાઈલ કાઢે છે અને તેમાં કંઈક કરવા લાગે છે.આ સમાચાર પણ વાંચો: વંદે ભારત એક્સપ્રેસ થઈ બંધ, હવે આ રૂટ પર નહીં દોડશે એક્સપ્રેસ ટ્રેન, લોકોને નથી પોસાય રહ્યું ભાડું..
