News Continuous Bureau | Mumbai
Water Crisis in Maharashtra મહારાષ્ટ્રના મુખ્ય શહેરોમાં પાણીની ગંભીર સમસ્યા સર્જાઈ છે. કલ્યાણડોંબિવલીમાં વરસાદની અછત અને અસમાન જળવિતરણને કારણે વહીવટીતંત્રએ પાણીકાપની જાહેરાત કરી છે, જ્યારે નાગપુરમાં ટેકનિકલ ખામીને કારણે લાખો નાગરિકો પાણી માટે વલખા મારી રહ્યા છે.
Water Crisis in Maharashtra – કલ્યાણ-ડોંબિવલીમાં પાણીકાપ અને શટડાઉન
અછતની સ્થિતિ અને ૩૧ ઓગસ્ટ સુધી વરસાદની ખેંચની આગાહીને પગલે, KDMC અને MIDC એ પાણી બચાવવા માટે કડક આયોજન કર્યું છે. ૩૦ જૂનના રોજ આખા કલ્યાણ-ડોંબિવલી વિસ્તારમાં ૨૪ કલાકનું વોટર શટડાઉન રહેશે. આ શટડાઉનના દિવસે અને ત્યારબાદના દિવસે એમ બે દિવસ સુધી ટેન્કર દ્વારા થતો પાણી પુરવઠો પણ બંધ રહેશે. આ ઉપરાંત, MIDC હેઠળના ૨૭ ગામોમાં શુક્રવારથી રવિવાર સુધી ૪૮ કલાકનો શટડાઉન જાહેર કરાયો છે. નાગરિકોને જરૂર પૂરતો જ પાણીનો સંગ્રહ કરવા અપીલ કરવામાં આવી છે.
Water Crisis in Maharashtra – નાગપુરમાં ટેકનિકલ ખામીને કારણે હાલાકી
નાગપુરમાં વીજપુરવઠામાં ખામી સર્જાતા શહેરના ૧૦ માંથી ૯ ઝોનમાં પાણી પુરવઠો ઠપ થઈ ગયો છે. મહાવિતરણના મનસર સબસ્ટેશનમાં ટેકનિકલ ખામી સર્જાતા नवेગાવ વોટર પમ્પિંગ સ્ટેશનનો વીજપુરવઠો ખોરવાયો છે. પરિણામે, ધરણમાંથી પાણી પમ્પિંગ કરવાનું કામ અટકી ગયું છે. લક્ષ્મી નગર, ધરમપેઠ, હનુમાન નગર, ધંતોલી સહિતના નવ ઝોનમાં પાણી પહોંચતું નથી, જેના કારણે નાગરિકોને ભારે મુશ્કેલીનો સામનો કરવો પડી રહ્યો છે.
Water Crisis in Maharashtra – જળ વ્યવસ્થાપન સામે પડકાર
નાગપુરનો મુખ્ય જળસ્ત્રોત એવા ખૈરી ડેમમાંથી પમ્પિંગ બંધ થતા જળશુદ્ધિકરણ અને વિતરણ પ્રક્રિયાનું આખું ગણિત ખોરવાઈ ગયું છે. બીજી તરફ, કલ્યાણ-ડોંબિવલીમાં વધતી જતી વસ્તી અને અસમાન પાણીના વિતરણને કારણે લોકો પહેલેથી જ પરેશાન હતા, તેમાં હવે આ પાણીકાપની કુહાડી ગરીબ અને મધ્યમવર્ગીય પરિવારો પર પડી છે. વહીવટીતંત્ર દ્વારા વીજળી અને પમ્પિંગ પૂર્વવત કરવાના પ્રયાસો ચાલુ છે, પરંતુ જળસંકટ ટળવા માટે વરસાદ અનિવાર્ય છે.
👉 આ સમાચાર વાચો:
Indian Railway Refund Rules ટ્રેન પ્રવાસના પૈસા પાછા મેળવવાની તક ભારતીય રેલ્વેના આ નવા નિયમો જાણવા જેવી છે
