News Continuous Bureau | Mumbai
Union Budget 2026 નાણામંત્રી નિર્મલા સીતારમણે રવિવારે (1 ફેબ્રુઆરી) સતત નવમી વખત કેન્દ્રીય બજેટ રજૂ કર્યું. દાયકાઓમાં પ્રથમવાર રવિવારે રજૂ થયેલા આ બજેટમાં સરકારે ભારતના આર્થિક વિકાસને વેગ આપવા માટે અનેક મહત્વના પગલાંની જાહેરાત કરી છે. જોકે, મધ્યમ વર્ગ માટે ઇન્કમ ટેક્સ સ્લેબમાં કોઈ ફેરફાર ન કરીને સરકારે સૌને ચોંકાવ્યા છે. બજેટમાં મુખ્યત્વે મેન્યુફેક્ચરિંગ, MSME અને ઈન્ફ્રાસ્ટ્રક્ચર પર ધ્યાન કેન્દ્રિત કરવામાં આવ્યું છે.
ઇન્ફ્રાસ્ટ્રક્ચર અને કેપેક્સમાં મોટો વધારો
નાણામંત્રીએ નાણાકીય વર્ષ 2026-27 માટે પબ્લિક કેપેક્સ (Public Capex) વધારીને ₹12.2 ટ્રિલિયન કરવાની જાહેરાત કરી છે. આ ઉપરાંત, શહેરી આર્થિક ક્ષેત્રો ના વિકાસ માટે આગામી 5 વર્ષમાં શહેર દીઠ ₹5,000 કરોડની ફાળવણી કરવામાં આવશે. સરકારનું લક્ષ્ય ઈન્ફ્રાસ્ટ્રક્ચર દ્વારા રોજગારીની તકો ઊભી કરવાનું અને અર્થતંત્રની કરોડરજ્જુને મજબૂત કરવાનું છે.
MSME અને મેન્યુફેક્ચરિંગ સેક્ટર માટે પ્રોત્સાહન
બજેટમાં MSME અને મેન્યુફેક્ચરિંગ ક્ષેત્ર માટે વિશેષ જોગવાઈઓ કરવામાં આવી છે. દેશના મેન્યુફેક્ચરિંગ હબ ને પ્રોત્સાહન આપવા માટે સીતારમણે અનેક યોજનાઓ રજૂ કરી છે. જળમાર્ગો અને કોસ્ટલ શિપિંગનો હિસ્સો 2047 સુધીમાં 6% થી વધારીને 12% કરવા માટે ‘કોસ્ટલ કાર્ગો પ્રમોશન સ્કીમ’ ની જાહેરાત કરવામાં આવી છે, જેનાથી નૂર પરિવહન સસ્તું અને ઝડપી બનશે.
આ સમાચાર પણ વાંચો : Gold-Silver Price Crash: ચાંદીના ભાવમાં ભૂકંપ! સીધો ₹16,000નો ઘટાડો, સોનું પણ સસ્તું થયું; જાણો આજના લેટેસ્ટ રેટ
સામાન્ય માણસ પર બજેટની અસર
બજેટ 2026 ની દરખાસ્તો સામાન્ય માણસને પ્રત્યક્ષ અને પરોક્ષ બંને રીતે અસર કરશે. જોકે ટેક્સ સ્લેબમાં કોઈ રાહત મળી નથી, પરંતુ ઇન્ફ્રાસ્ટ્રક્ચર અને જાહેર સેવાઓમાં રોકાણથી નાગરિકોની સુવિધાઓમાં સુધારો થશે. ગ્રામીણ આવકમાં વધારો કરવા અને શિક્ષણ ક્ષેત્રે નવી નીતિઓ દ્વારા લાંબા ગાળે સામાન્ય જનતાને ફાયદો પહોંચાડવાનું સરકારનું લક્ષ્ય છે.
