News Continuous Bureau | Mumbai
Petrol Pump Fraud: પેટ્રોલ-ડીઝલ ભરાવતી વખતે પેટ્રોલ પંપ કર્મચારી તમને મીટરમાં જીરો (Zero) જોવા માટે કહે, તો પછી મશીનમાં નીચેની તરફ દેખાતા ડેન્સિટી મીટર પર પણ નજર રાખો, નહીં તો તમે ફ્રોડના શિકાર થઈ શકો છો. તમે કાર અથવા બાઈક (Car-Bike)નો ઉપયોગ કરો છો અને પેટ્રોલ પંપ પર રોજ આવવું જવું થાય છે, તો પછી આ સમાચાર તમારા માટે છે.
પેટ્રોલ ભરાવતી વખતે ‘0’ સાથે અહીં રાખો નજર
પેટ્રોલ પંપ પર ફ્રોડનો ખેલ એટલા શાતિર અંદાજથી રમાય છે કે તમે નજર ન નાખો તો તમારા ખીસ્સા કપાઈ જશે અને ખબર પણ નહીં પડે. અમે જે ખેલની વાત કરી રહ્યા છીએ, તે તમારા વાહનમાં નાખવામાં આવતા પેટ્રોલ-ડીઝલની શુદ્ધતા સાથે જોડાયેલો છે. જેમાં હેરફેર અથવા મિલાવટ કરીને તમને છેતરવામાં આવી શકે છે. પેટ્રોલ પંપની મશીનોમાં અલગ-અલગ સેક્શનમાં તમને કેટલા રૂપિયાનું પેટ્રોલ ભરાયું, કેટલી માત્રામાં પેટ્રોલ ભરાયું તે બધું ડેટા દેખાય છે. આ મશીન પર એક સ્ક્રીન પર ફ્યુઅલ ડેન્સિટી દર્શાવવામાં આવે છે, પરંતુ આ પર નજર નાખવા માટે ન તો પંપકર્મી કહે છે અને ન તો તમે જુઓ છો. આ ડેન્સિટી મીટર સીધા રીતે ઇંધણની ક્વાલિટી એટલે કે શુદ્ધતા દર્શાવે છે.
આ સમાચાર પણ વાંચો: IIMCs 56th convocation ceremony: આજે ઇન્ડિયન ઇન્સ્ટિટ્યૂટ ઓફ માસ કોમ્યુનિકેશન (IIMC)નો યોજાશે 56મો દીક્ષાંત સમારોહ, કેન્દ્રીય મંત્રી અશ્વિની વૈષ્ણવ આ પ્રસંગે રહેશે ઉપસ્થિત
માનકો સાથે છેડછાડ કરીને ફ્રોડ
ડેન્સિટીનો આંકડો સરકાર દ્વારા નક્કી કરવામાં આવે છે. તેના દ્વારા ચેક કરી શકાય છે કે તમારી કાર અથવા બાઈકમાં નાખવામાં આવતું પેટ્રોલ અથવા ડીઝલ સંપૂર્ણ રીતે શુદ્ધ છે કે નહીં. ડેન્સિટી માટે નક્કી કરેલા માનકો સાથે છેડછાડ કરીને કેટલાક પેટ્રોલપંપ પર ફ્રોડ કરવામાં આવે છે.
