Maharashtra Assembly election voting : મહાયુતિ કે આઘાડી? મહારાષ્ટ્રના 9 કરોડથી વધુ મતદારોનું આજે નિર્ણાયક મતદાન; જાણો કયો પક્ષ કેટલી સીટ પર લડી રહ્યું છે ચૂંટણી..

Maharashtra Assembly election voting :આ ચૂંટણીમાં સત્તાધારી મહાયુતિ ગઠબંધન સત્તા જાળવી રાખવાનો પ્રયાસ કરી રહ્યું છે. જ્યારે વિરોધ પક્ષ મહા વિકાસ અઘાડી (MVA) સત્તામાં ભવ્ય વાપસીની આશા રાખે છે. ચૂંટણી પ્રચાર દરમિયાન, વડા પ્રધાન નરેન્દ્ર મોદી, કેન્દ્રીય ગૃહ પ્રધાન અમિત શાહ, કોંગ્રેસના નેતા અને લોકસભામાં વિરોધ પક્ષના નેતા રાહુલ ગાંધી, પ્રિયંકા ગાંધી વાડ્રા અને ઘણા કેન્દ્રીય પ્રધાનો જેવા અગ્રણી નેતાઓએ રાજ્યમાં તેમના ઉમેદવારો માટે પ્રચાર કર્યો હતો.

Google ન્યુઝ માં જોડાવા માટે અહીં ક્લિક કરો :

kalpana Verat

2 years ago

Maharashtra Assembly election voting Stage set for Mahayuti vs MVA battle in Maharashtra, Voting begins for 288 seats

Maharashtra Assembly election voting :મહારાષ્ટ્ર વિધાનસભા ચૂંટણી 2024ના પ્રથમ તબક્કા અને ઝારખંડમાં બીજા તબક્કા માટે આજે મતદાન છે. આ સાથે જ ઉત્તર પ્રદેશ, પંજાબ, કેરળ અને ઉત્તરાખંડની 15 વિધાનસભા સીટો પર પેટાચૂંટણી માટે મતદાન થઈ રહ્યું છે. આ સિવાય ઘણા રાજ્યોમાં પેટાચૂંટણી માટે પણ મતદાન ચાલુ છે. ચૂંટણી પંચના જણાવ્યા અનુસાર આ બેઠકો પર સવારે 7 વાગ્યાથી સાંજે 6 વાગ્યા સુધી મતદાન થશે. તેમના પરિણામો 23 નવેમ્બરે જાહેર થશે.

Join Our WhatsApp Channel

Maharashtra Assembly election voting : 288 વિધાનસભા બેઠકો માટે કુલ 4,136 ઉમેદવારો મેદાનમાં

મહારાષ્ટ્રની તમામ 288 વિધાનસભા બેઠકો માટે કુલ 4,136 ઉમેદવારો મેદાનમાં છે. મુખ્ય મુકાબલો શાસક મહાયુતિ (ભાજપ, શિવસેના અને એનસીપી) અને મહાવિકાસ અઘાડી (કોંગ્રેસ, શિવસેના-યુબીટી અને એનસીપી-શરદ પવાર) વચ્ચે છે.

ભાજપ, જે શાસક મહાયુતિનો ભાગ છે, તે 149 બેઠકો પર ચૂંટણી લડે છે, જ્યારે એકનાથ શિંદેની આગેવાની હેઠળની શિવસેનાએ 81 બેઠકો પર તેના ઉમેદવારો ઉભા રાખ્યા છે. અજિત પવારની આગેવાની હેઠળની NCP 59 બેઠકો પર ચૂંટણી લડી રહી છે. MVAમાં સમાવિષ્ટ કોંગ્રેસ 101 બેઠકો પર, શિવસેના (UBT) 95 અને NCP (શરદચંદ્ર પવાર) 86 બેઠકો પર ચૂંટણી લડી રહી છે.

Maharashtra Assembly election voting :યુપી વિધાનસભાની આ બેઠકો પર પેટાચૂંટણી

રાજ્યની જે બેઠકો પર પેટાચૂંટણી યોજાઈ રહી છે તેમાં આંબેડકર નગરની કટેહારી, મૈનપુરીની કરહાલ, મુઝફ્ફરનગરની મીરાપુર, ગાઝિયાબાદની મઝવાન, મિર્ઝાપુર, કાનપુર નગરની સિસામાઉ, અલીગઢની ખેર, પ્રયાગરાજની ફુલપુર અને મુરાદાબાદની કુંડાર્કી બેઠકનો સમાવેશ થાય છે. આ 9 વિધાનસભા બેઠકો માટે કુલ 90 ઉમેદવારો મેદાનમાં છે.

આ સમાચાર પણ વાંચો : Maharashtra polls: વોટ ફોર કેશ કૌભાંડ પર ઉદ્ધવ ઠાકરે એ ભાજપ પર સાધ્યું નિશાન, કહ્યું ‘મારી બેગ તો ખાલી હતી, પણ તાવડેની બેગમાંથી પૈસા મળ્યા… ‘; થવી જોઈએ કડક કાર્યવાહી

Maharashtra Assembly election voting :ઝારખંડમાં આજે 38 બેઠકો પર ચૂંટણી છે

ઝારખંડની વાત કરીએ તો અહીંની કુલ 81 વિધાનસભા બેઠકોમાંથી 38 પર આજે મતદાન થઈ રહ્યું છે. અહીં પ્રથમ તબક્કામાં 43 બેઠકો પર મતદાન થયું છે. બીજા અને અંતિમ તબક્કામાં, ઝારખંડના મુખ્યમંત્રી હેમંત સોરેન, તેમની પત્ની કલ્પના સોરેન (બંને જેએમએમ) અને વિપક્ષી નેતા અમર કુમાર બૌરી (ભાજપ) સિવાય 500 થી વધુ અન્ય ઉમેદવારો મેદાનમાં છે. 2019 ની વિધાનસભા ચૂંટણીઓ નજીકની હરીફાઈ હતી, જેમાં JMM 30 બેઠકો જીતી હતી અને ભાજપે 25 બેઠકો મેળવી હતી, જે 2014 માં 37 હતી. જેએમએમ-કોંગ્રેસ-આરજેડી ગઠબંધનને 47 બેઠકો સાથે બહુમતી મળી.