News Continuous Bureau | Mumbai
Maharashtra Election 2024: મહારાષ્ટ્રમાં મહાયુતિ ગઠબંધનમાં ભાજપ સૌથી મોટી પાર્ટી તરીકે ઉભરી આવી છે. હાલ ભાજપ 132, શિવસેના (એકનાથ શિંદે) 55 બેઠકો, એનસીપી (અજિત પવાર) 40 અને અન્ય બે બેઠકો પર આગળ છે. જ્યારે મહાવિકાસ અઘાડી 51 બેઠકો પર આગળ ચાલી રહ્યું છે. એમવીએમાં શિવસેના (યુબીટી) 19, એનસીપી (શરદ પવાર) 11, કોંગ્રેસ 18 અને અન્ય ત્રણ બેઠકો પર આગળ છે.
જણાવી ડીઈઓ કે છેલ્લા અઢી વર્ષમાં શિવસેના અને રાષ્ટ્રવાદી કોંગ્રેસ પાર્ટી (NCP) વચ્ચેના વિભાજન બાદ કેન્દ્રીય ચૂંટણી પંચ અને રાજ્ય વિધાનસભાના અધ્યક્ષે શિવસેના અને NCPના ઘટક પક્ષોને ‘વાસ્તવિક’ દરજ્જો આપ્યો હતો. જોકે હવે રાજ્યના લોકોએ પણ તેમના નિર્ણયોને મંજૂરી આપી છે.
મહત્વનું છે કે મુખ્યમંત્રી એકનાથ શિંદેએ 21 જૂન, 2022ના રોજ તેમની પાર્ટીના 40 ધારાસભ્યો સાથે શિવસેના સામે બળવો કર્યો હતો. પછી લગભગ એક વર્ષ પછી અજિત પવારે પણ એટલી જ સંખ્યામાં ધારાસભ્યો સાથે NCP સામે બળવો કર્યો. આ બંને પક્ષોના વડાઓ વતી આ બળવાને સુપ્રીમ કોર્ટ અને કેન્દ્રીય ચૂંટણી પંચમાં પડકારવામાં આવ્યો હતો. એટલું જ નહીં બળવાખોર ધારાસભ્યોની સદસ્યતા રદ કરવા માટે સુપ્રીમ કોર્ટમાં અને પક્ષના નામ અને ચૂંટણી ચિહ્ન પરના અધિકારો માટે ચૂંટણી પંચમાં અરજીઓ દાખલ કરવામાં આવી હતી. સુપ્રીમ કોર્ટે તેની સમક્ષની અરજી પર સુનાવણી કરવાનો અધિકાર વિધાનસભાના અધ્યક્ષને સોંપ્યો હતો.
Maharashtra Election 2024: ચૂંટણી પંચનો નિર્ણય યથાવત છે
બંને પક્ષોના કિસ્સામાં ચૂંટણી પંચે બળવાખોર જૂથોને વાસ્તવિક પક્ષ હોવાનો અધિકાર આપ્યો હતો, અને બળવાખોર જૂથોને પક્ષના નામ અને ચૂંટણી પ્રતીકનો ઉપયોગ કરવાનો અધિકાર પણ આપ્યો હતો. બાદમાં વિધાનસભા અધ્યક્ષ રાહુલ નાર્વેકરે પણ ચૂંટણી પંચના નિર્ણયને સમર્થન આપ્યું હતું. ચૂંટણી પંચના જ નિર્ણયમાં, શિવસેનાના ઉદ્ધવ જૂથનું નામ શિવસેના (UBT) અને NCPના શરદ પવાર જૂથનું નામ NCP (શરદચંદ્ર પવાર) રાખવામાં આવ્યું હતું. પરંતુ શિવસેના (UBT) અને NCP (શરદચંદ્ર પવાર) ચૂંટણી પંચના નિર્ણયને ક્યારેય સ્વીકારી શક્યા નહીં. શિવસેના (UBT) મુખ્યમંત્રી એકનાથ શિંદે પર તેમની પાર્ટી, પાર્ટીનું નામ અને ચૂંટણી ચિન્હ ચોરી કરવાનો આરોપ લગાવીને તેમની સહાનુભૂતિ મેળવવાનો સતત પ્રયાસ કરી રહી છે.
આ સમાચાર પણ વાંચો : Maharashtra Election Results 2024: મહારાષ્ટ્રમાં ફિર એકબાર મહાયુતિ સરકાર, શપથ ગ્રહણ સમારોહને લઈને મોટું અપડેટ..
Maharashtra Election 2024: જનતા એ ચૂંટણી પંચ અને વિધાનસભા અધ્યક્ષના નિર્ણયોને આપ્યું સમર્થન
શિવસેના (UBT) અને NCP (શરદચંદ્ર પવાર) પણ મૂળ પક્ષના સ્થાપક બાળાસાહેબ ઠાકરે અને શરદ પવારના શિંદે અને અજિત પવાર પરના ફોટાના ઉપયોગ સામે વાંધો ઉઠાવી રહ્યા છે. ચૂંટણી દરમિયાન ઉદ્ધવ ઠાકરેએ વારંવાર કહ્યું હતું કે તેમને ચૂંટણી પંચ અને સુપ્રીમ કોર્ટમાંથી ન્યાય મળ્યો નથી. હવે તેઓ જનતાની અદાલત પાસેથી જ ન્યાયની અપેક્ષા રાખે છે. પરંતુ હવે વિધાનસભા ચૂંટણીના પરિણામોએ ચૂંટણી પંચ અને વિધાનસભા અધ્યક્ષના નિર્ણયોને સમર્થન આપ્યું છે.
Maharashtra Election 2024: એકનાથ શિંદેના આરોપોને સમર્થન આપ્યું હતું
જણાવી દઈએ કે છ મહિના પહેલા યોજાયેલી લોકસભાની ચૂંટણી અને હવે વિધાનસભાની ચૂંટણીના પ્રચાર દરમિયાન મુખ્યમંત્રી એકનાથ શિંદે ઉદ્ધવ ઠાકરે પર બાળાસાહેબ ઠાકરેના વિચારોથી અલગ હોવાનો આરોપ લગાવી રહ્યા છે. મુસ્લિમ મતદારો સાથે ઉદ્ધવ ઠાકરેની વધેલી નિકટતા શિંદેના ઉપરોક્ત આક્ષેપોને સમર્થન આપતી રહી.
Maharashtra Election 2024: ઉદ્ધવ ઠાકરે કેમ પાછળ રહ્યા?
રાજકીય વિશ્લેષકોના મતે શિવસેનાના મૂળ વિચારોથી અલગ થવાનું ઉદ્ધવ ઠાકરેને ઘણું મોંઘુ પડ્યું અને તેમના ગઢ મુંબઈ, થાણે અને કોંકણમાં પણ તેઓ એકનાથ શિંદેથી ઘણા પાછળ રહી ગયા. બીજી તરફ શરદ પવારની પાર્ટીના નેતાઓ પણ અજિત પવાર પર પાર્ટીના નામ અને ચૂંટણી ચિન્હનો ઉપયોગ કરવાનો આરોપ લગાવતા રહ્યા. આ આરોપોનો ફાયદો તેમની પાર્ટીને લોકસભા ચૂંટણીમાં પણ મળ્યો. પરંતુ તેમને વિધાનસભાની ચૂંટણીમાં હારનો સામનો કરવો પડ્યો છે.
