બોલિવૂડ એક્ટ્રેસ પ્રીતિ ઝિન્ટા ભલે ફિલ્મોથી દૂર હોય, પરંતુ કોઈ ખાસ કારણોસર તે સોશિયલ મીડિયા પર પોપ્યુલર રહે છે.

હાલમાં સમાચાર છે કે પ્રીતિ ઝિન્ટા એ મુંબઈ ના બાંદ્રા વિસ્તારમાં કરોડો રૂપિયાનો ફ્લેટ ખરીદ્યો છે.

મીડિયા રિપોર્ટ્સ અનુસાર બાંદ્રામાં પ્રીતિ નો નવો ફ્લેટ 1474 સ્ક્વેર ફૂટનો છે જે તેણે 17 કરોડ રૂપિયામાં ખરીદ્યો છે.

પ્રીતિ ઝિન્ટાએ ફ્લેટની સ્ટેમ્પ ડ્યુટી પેટે 85 લાખ રૂપિયા ચૂકવ્યા છે.

નરગીસ દત્ત રોડ પર આવેલો આ ફ્લેટ એ જ બિલ્ડિંગના 11મા માળે આવેલો છે જેમાં પ્રીતિ ઝિન્ટા લગ્ન પહેલા રહેતી હતી. 

આ રહેણાંક એપાર્ટમેન્ટ હાલમાં અંડર કન્સ્ટ્રક્શન માં છે અને આ ફ્લેટ સાથે, પ્રીતિ ઝિન્ટાને 2 કાર પાર્કિંગ અને વધારાનો 90 ચોરસ ફૂટ વિસ્તાર મળશે. 

પ્રીતિ ઝિન્ટાની કુલ સંપત્તિ વિશે વાત કરીએ તો તેની કુલ સંપત્તિ 15 મિલિયન ડોલર એટલે કે 110 કરોડ રૂપિયા હોવાનું કહેવાય છે.

આ સમાચાર સામે આવ્યા બાદ લોકો એ એવો ક્યાસ લગાવ્યો છે કે પ્રીતિ મુંબઈ શિફ્ટ થઇ રહી છે.