અરે વાહ, મોદીજીને અમેરીકાની એક ઓર ભેટ. ભારત સંદર્ભે આ સકારાત્મક આર્થિક પગલું લીધું.  

News Continuous Bureau | Mumbai

અમેરિકાએ (USA) બે વર્ષ બાદ ભારતને કરન્સી વોચ (Currency Watch) લિસ્ટમાંથી હટાવી દીધું છે. અમેરિકાએ ઈટાલી (Italy), મેક્સિકો (Mexico) , થાઈલેન્ડ (Thailand) અને વિયેતનામને (Vietnam) પણ આ યાદીમાંથી કાઢી નાખ્યું છે, જ્યારે ચીન (China) હજુ પણ આ યાદીમાં યથાવત છે. ચીન ઉપરાંત જાપાન, કોરિયા, જર્મની, મલેશિયા, સિંગાપોર અને તાઈવાન હાલમાં કરન્સી વોચ લિસ્ટમાં છે. આ માહિતીનો ઉલ્લેખ ટ્રેઝરી વિભાગે (Treasury Department) કોંગ્રેસને (Congress) આપેલા તેના દ્વિવાર્ષિક અહેવાલમાં (biennial report)  કર્યો છે. નોંધનીય છે કે કોઈ દેશની વિદેશી હૂંડિયામણ નીતિ પર શંકાના આધારે અમેરિકા તેને વોચ લિસ્ટમાં મૂકે છે.

આ સમાચાર પણ વાંચો: મોટી કાર્યવાહી. રિઝર્વ બેંકે આ બેંક પર લગાવી દીધું તાળું, જાણો હવે ગ્રાહકોના પૈસાનું શું થશે?  

નાણામંત્રી (Finance Minister) સાથેની બેઠક બાદ લેવામાં આવ્યો નિર્ણય 

અમેરિકા દ્વારા આ પગલું એવા સમયે લેવામાં આવ્યું છે જ્યારે યુએસ ટ્રેઝરી સેક્રેટરી (US Treasury Secretary) જેનેટ યેલેન (Janet Yellen) નવી દિલ્હીની મુલાકાતે છે. તેમની દિલ્હીની મુલાકાત દરમિયાન, તેમણે નાણાં પ્રધાન નિર્મલા સીતારમણ (Nirmala Sitharaman) સાથે પણ મુલાકાત કરી અને વાતચીત કરી. યેલેનની ભારત મુલાકાત પહેલા ભારતીય નાણામંત્રી નિર્મલા સીતારમણે ઓક્ટોબરમાં યુએસની મુલાકાત (US Visit) લીધી હતી.