News Continuous Bureau | Mumbai

મુંબઈના ( Mumbai  ) રેલવે સ્ટેશનો પર મુસાફરોની વધતી સંખ્યાને ધ્યાનમાં રાખીને, રેલવે પ્રશાસન તેમને મૂળભૂત આરામ અને સગવડ પૂરી પાડવાનો પ્રયાસ કરી રહ્યું છે. હવે મુસાફરોને વિપુલ પ્રમાણમાં પાણી મળી રહે તે હેતુથી એક અનોખો પ્રયોગ કર્યો છે. રેલવે સ્ટેશન ( railway stations ) પર વોટર વેન્ડિંગ કિઓસ્ક ( water kiosks ) લગાવવામાં આવ્યું છે.

આ મશીન છત્રપતિ શિવાજી મહારાજ ટર્મિનસ રેલવે સ્ટેશન પર મૂકવામાં આવ્યું છે. આ વોટર કિઓસ્ક (વોટર ફ્રોમ એર)માં હવામાંથી પાણી કાઢીને પ્લાસ્ટિકની બોટલોમાં વહેંચવામાં આવી રહ્યું છે. મુસાફરોના વધતા ધસારાને અને પાણીની જરૂરિયાતને ધ્યાનમાં રાખીને આ અનોખો પ્રોજેક્ટ અમલમાં મૂકવામાં આવ્યો છે.

મેઘદૂત બ્રાન્ડ નામ સાથેનું આ વાતાવરણીય વોટર જનરેટર કિઓસ્ક મેસર્સ મૈત્રી એક્વાટેક પ્રાઇવેટ લિમિટેડ નામની કંપની દ્વારા સ્ટેશનો પર સ્થાપિત કરવામાં આવ્યું છે. સીએસએમટી અને દાદર સ્ટેશનો પર પણ તેની શરૂઆત થઈ ગઈ છે.

સારો પ્રતિસાદ મળી રહ્યો છે

CSMT પર છ સ્થળોએ લગાવવામાં આવેલા વોટર કિઓસ્કને સારો પ્રતિસાદ મળી રહ્યો છે. કેટલાક વોટર કિઓસ્કમાંથી શરૂઆતમાં 100 થી 125 લીટર પાણી વેચવામાં આવતું હોવાનું જણાવવામાં આવ્યું હતું. આ માટે સેન્ટ્રલ રેલવેના મુંબઈ ડિવિઝન પર 17 કિઓસ્ક બનાવવામાં આવી રહ્યા છે. યોજના હેઠળ, કંપની લાયસન્સ ફી તરીકે પાંચ વર્ષ માટે મધ્ય રેલવેને 25 લાખ રૂપિયા ચૂકવશે. પ્રથમ તબક્કામાં, CSMT ખાતે છ કિઓસ્ક, દાદર ખાતે ચાર, કુર્લા ખાતે એક, થાણે ખાતે ચાર, ઘાટકોપર ખાતે એક અને વિક્રોલી ખાતે એક કિઓસ્ક સ્થાપિત કરવામાં આવી રહ્યા છે.

આ સમાચાર પણ વાંચો : સતત ત્રીજાદિવસે શેરબજારમાં કડાકો, વૈશ્વિક દબાણ સામે આટલા સેન્સેક્સ નિફ્ટી તૂટીને ખૂલ્યા 

એક લીટર પાણી 15 રૂપિયામાં મળશે

જો કે, આ વોટર જનરેટર મશીનથી મુસાફરોને એક લીટર શુદ્ધ પાણી બોટલ સાથે 15 રૂપિયામાં મળી રહ્યું છે, જ્યારે બોટલ રિફિલ માટે એક લિટર પાણીની કિંમત 12 રૂપિયા, અડધા લિટર માટે આઠ અને 300 મિલી માટે પાંચ રૂપિયા છે. પ્રવાસીઓ ધીમે ધીમે તેના તરફ આકર્ષાઈ રહ્યા છે. ઉલ્લેખનીય છે કે રેલ્વે સ્ટેશનો પર ‘રેલ નીર’ પાણીની બોટલ પણ 15 રૂપિયામાં મળે છે. મુંબઈના સ્ટેશનો પર પીવાના શુદ્ધ પાણીની અછતને ધ્યાનમાં રાખીને, IRCTC દ્વારા વોટર વેન્ડિંગ મશીનો પણ લગાવવામાં આવ્યા હતા, જે બંધ થઈ ગયા હતા.

પ્રથમ સ્વદેશી પાણી જનરેટર

એવું કહેવામાં આવી રહ્યું છે કે આ ભારતનું પ્રથમ સ્વદેશી વાતાવરણીય વોટર જનરેટર મશીન છે, જે હવામાં ફેલાતા પાણીની વરાળને તાજા અને સ્વચ્છ પીવાના પાણીમાં રૂપાંતરિત કરવાનું કામ કરે છે. કંપનીએ સર્વોચ્ચ ગુણવત્તાના પાણીનું ઉત્પાદન કરવા માટે CSIR-ઇન્ડિયન ઇન્સ્ટિટ્યૂટ ઑફ કેમિકલ ટેક્નોલોજી (IICT), હૈદરાબાદ સાથે જોડાણ કર્યું છે.

આ સમાચાર પણ વાંચો : વડાપ્રધાન નરેન્દ્ર મોદી ૨૭ જાન્યુઆરીએ વિદ્યાર્થીઓ સાથે ‘પરીક્ષા પે ચર્ચા’ કરશે