News Continuous Bureau | Mumbai

વિશ્વના સૌથી વધારે વ્યસ્ત અને સૌથી મોટા નેટવર્કમાં ઈન્ડિયન રેલવેના માળખાનો સમાવેશ થાય છે અને દૈનિક 180 લાખથી વધારે મુસાફરો તથા 20 લાખ ટનથી વધારે માલ-સામાનનું તે પરિવહન કરે છે. તેનો મુસાફર વર્ગ મોટો હોવાથી રેલવે દ્વારા વિવિધ યોજનાઓ અમલમાં મુકવામાં આવે છે. હવે મુસાફરો પીએનઆર નંબરનો ઉપયોગ કરીને મુસાફરી કરતી વખતે વોટ્સએપ દ્વારા ઓનલાઈન ફૂડ ઓર્ડર કરી શકશે. આ અંગે રેલવે દ્વારા એક નિવેદન બહાર પાડવામાં આવ્યું છે.

ભારતીય રેલવેએ વેબસાઈટ www.catering.irctc.co.in અને ફૂડ એપ ઈ-કેટરિંગ દ્વારા ઈ-કેટરિંગ સેવાઓ શરૂ કરી છે. રેલવેમાં ઓનલાઈન ફૂડ ઓર્ડર કરવા માટે રેલવેએ WhatsAppનો વિકલ્પ આપ્યો છે. આ માટે બિઝનેસ વોટ્સએપ નંબર 91-8750001323 શરૂ કરવામાં આવ્યો છે.

શરૂઆતમાં, બે તબક્કામાં વોટ્સએપ સંપર્કો દ્વારા ઇ-કેટરિંગ સેવાઓને અમલમાં મૂકવાની યોજના હતી. પ્રથમ તબક્કામાં, www.ecatering.irctc.co.in લિંક પર ક્લિક કર્યા પછી, ઇ-કેટરિંગ સેવાઓ પસંદ કરવા માટે ઇ-ટિકિટ બુક કરાવનારા ગ્રાહકોને બિઝનેસ વોટ્સએપ નંબરનો મેસેજ મોકલવામાં આવશે.

આ સમાચાર પણ વાંચો : તૂર્કીમાં કુદરત રૂઠી, ભૂકંપના કારણે શહેરો કાટમાળમાં ફેરવાયા, મૃતકોની સંખ્યામાં થઈ શકે છે 8 ગણો વધારો.. WHOનો દાવો..

ભોજન ઓનલાઈન ઓર્ડર કરવા શું કરવું?

• ટ્રેન ટિકિટ બુક કરતી વખતે www.ecatering.irctc.co.in લિંક પર ક્લિક કરો. તે પછી તમારે ટ્રેનનો પીએનઆર નંબર નાખવો પડશે. અથવા તમે મોબાઈલ નંબર 91-8750001323 સેવ કરીને પણ ફૂડ ઓર્ડર કરી શકો છો.
• પછી મુસાફરો સીધા વેબસાઇટ પરથી રૂટ પરના સ્ટેશનોની નજીકની કેન્ટીનમાંથી ખોરાકનો ઓર્ડર આપી શકે છે.
• AI સંચાલિત ચેટબોટ મુસાફરોની તમામ ઈ-કેટરિંગ સંબંધિત પ્રશ્નોનું સંચાલન કરશે.
• ગ્રાહકો એપને ડાઉનલોડ કર્યા વિના સીધા જ IRCTCની ઈ-કેટરિંગ વેબસાઈટ દ્વારા રેલવે સ્ટેશન પર જતી વખતે ઉપલબ્ધ તેમની પસંદગીની રેસ્ટોરાંમાંથી તેમની પસંદગીનું ભોજન મંગાવી શકે છે.
• પસંદ કરેલી ટ્રેનો અને પેસેન્જર ઈ-કેટરિંગ સેવા માટે WhatsApp સંપર્ક સુવિધા ઉપલબ્ધ કરાવવામાં આવી છે. અને ગ્રાહકોના પ્રતિસાદ અને સૂચનોના આધારે, રેલવે અન્ય ટ્રેનોમાં પણ આ સુવિધા શરૂ કરશે.
• આ નવી સુવિધા દ્વારા એક દિવસમાં લગભગ 50 હજાર મુસાફરોને ભોજન પીરસવામાં આવશે.