ઓસ્કાર એટલે કે એકેડેમી એવોર્ડ્સ એ વિશ્વનો સૌથી મોટો ફિલ્મ એવોર્ડ છે અને આ વર્ષે આ એવોર્ડ્સ આ સમયે લોસ એન્જલસમાં લાઈવ હોસ્ટ કરવામાં આવી રહ્યા છે. આ વર્ષે આ એવોર્ડ ફંક્શન ભારતીયો માટે ખૂબ જ ખાસ છે અને તેનું કારણ ભારતમાંથી ચાર નોમિનેશન છે. દીપિકા પાદુકોણ પણ આ વર્ષે એવોર્ડ આપી રહી છે. તમને જણાવી દઈએ કે તમામ ભારતીયોની આશાઓને મોટો ફટકો પડ્યો છે કારણ કે ભારત ‘બેસ્ટ ડોક્યુમેન્ટ્રી ફીચર’માં હારી ગયું છે.

આ ભારતીય ફિલ્મનું ઓસ્કાર જીતવાનું સપનું તૂટી ગયું!

ભારત માટે એક ખરાબ સમાચાર છે કારણ કે ફિલ્મ ‘બેસ્ટ ડોક્યુમેન્ટરી ફીચર’ ના નામાંકન અને વિજેતાની જાહેરાત કરવામાં આવી છે અને ભારત જીતી શક્યું નથી. જણાવી દઈએ કે આ પુરસ્કાર ના તમામ નોમીનેશન માં ભારતની ‘ઓલ ધેટ બ્રેથ્સ’ પણ નોમિનેટ કરવામાં આવી હતી જેને હાર મળી છે.

આ સમાચાર પણ વાંચો :  પહેલા જ દિવસે શેર બજાર ભારે ઘટાડા સાથે બંધ થયું, સેન્સેક્સ 800 પોઈન્ટથી વધુ તૂટ્યો, નિફટી પણ..

જે ફિલ્મે ‘ઓલ ધેટ બ્રેથ્સ’માંથી ‘બેસ્ટ ડોક્યુમેન્ટ્રી ફીચર’નો એવોર્ડ છીનવી લીધો છે તે નવલ્ની છે. આ બે ફિલ્મો સિવાય ‘ઓલ ધ બ્યુટી એન્ડ ધ બ્લડશેડ’, ‘ફાયર ઓફ લવ’ અને ‘અ હાઉસ મેડ ઓફ સ્પ્લિન્ટર્સ’ નોમિનેટ થઈ હતી. ઓલ ધેટ બ્રેથ્સનું નિર્દેશન શૌનક સેન દ્વારા કરવામાં આવ્યું છે અને તે બે ભાઈઓની વાર્તા છે જેઓ દિલ્હીના પ્રદૂષણમાં પક્ષીઓનું રક્ષણ કરે છે અને પક્ષીઓની હોસ્પિટલ ચલાવે છે.

ઓસ્કારમાં ‘નાટુ નાટુ’ ના લાઈવ ડાન્સ પરફોર્મન્સને ખૂબ પસંદ કરવામાં આવ્યું છે. તમને જણાવી દઈએ કે સ્ટેજ પર એ જ સેટઅપ તૈયાર કરવામાં આવ્યો હતો જે રીતે ફિલ્મના ગીતમાં કરવામાં આવ્યો હતો, ડાન્સર્સ રામ ચરણ અને જુનિયર એનટીઆર ના કપડામાં સજ્જ હતા અને તેઓએ જબરદસ્ત ડાન્સ કર્યો હતો. આ પર્ફોર્મન્સ પછી ડોલ્બી થિયેટરમાં બેઠેલા તમામ લોકો તાળીઓ પાડીને ઉભા થયા હતા, એટલે કે આ પરફોર્મન્સને મહેમાનો તરફથી સ્ટેન્ડિંગ ઓવેશન મળ્યું હતું.