News Continuous Bureau | Mumbai
બોલિવૂડ અભિનેતા શાહરૂખ ખાન શૂટિંગ દરમિયાન ઘાયલ થયાના સમાચારે ચાહકોને ચિંતામાં મૂકી દીધા હતા અને દરેક વ્યક્તિ તેના ઝડપી સ્વસ્થ થવાની પ્રાર્થના કરી રહ્યા હતા. એવું કહેવામાં આવી રહ્યું છે કે શાહરૂખ ખાન યુએસએના લોસ એન્જલસમાં જવાનની શૂટિંગ દરમિયાન ઘાયલ થયો હતો, ત્યારબાદ તેની ત્યાં મામૂલી સર્જરી કરવામાં આવી હતી. આ અહેવાલો વચ્ચે, શાહરૂખ મુંબઈ પાછો ફર્યો છે અને તે લેટેસ્ટ ફોટા અને વિડિયોમાં ખૂબ જ સ્વસ્થ દેખાઈ રહ્યો છે, જેનાથી ચાહકોએ રાહતનો શ્વાસ લીધો છે.
શૂટિંગ દરમિયાન ઘાયલ થયો હતો શાહરુખ ખાન
મીડિયા રિપોર્ટ્સ અનુસાર, શૂટિંગ દરમિયાન અકસ્માતને કારણે શાહરૂખ ખાન ઘાયલ થયો હતો અને તેના નાક અને ચહેરા પર ઈજા થઈ હતી. અકસ્માત બાદ બ્લીડિંગ રોકવા માટે શાહરૂખે અમેરિકામાં જ એક નાની સર્જરી કરાવી હતી. બીજી તરફ શાહરુખને જોઈને એવું નથી લાગતું કે તેનો કોઈ અકસ્માત થયો હોય. શાહરુખે ગોગલ પહેર્યા છે અને તેની સાથે વાદળી રંગની હૂડી પણ છે. શાહરૂખને સાજો જોઈને ફેન્સ ખૂબ જ ખુશ છે.
View this post on Instagram
શાહરૂખ ખાન નું વર્ક ફ્રન્ટ
આ સમાચાર પણ વાંચો: Personal Data Protection Bill : પર્સનલ ડેટા પ્રોટેક્શન બિલનો રસ્તો સાફ, કેન્દ્રીય કેબિનેટે આપી લીલી ઝંડી, સંસદના ચોમાસુ સત્રમાં થઈ શકે છે રજૂ..
ઉલ્લેખનીય છે કે, જાન્યુઆરીમાં રિલીઝ થયેલી શાહરૂખ ખાનની છેલ્લી ફિલ્મ પઠાણે બોક્સ ઓફિસ પર માત્ર રેકોર્ડ તોડ્યા જ નહીં પરંતુ ઈતિહાસ પણ રચ્યો હતો. તે જ સમયે, હવે દરેક તેની આગામી ફિલ્મ જવાનની રાહ જોઈ રહ્યા છે. આ ફિલ્મનું નિર્દેશન એટલી દ્વારા કરવામાં આવ્યું છે અને કિંગ ખાન એક્શનથી ભરપૂર ફિલ્મમાં જોવા મળશે. અને જવાન પછી શાહરૂખ રાજકુમાર હિરાની સાથે ‘ડન્કી’ માં જોવા મળશે.
