News Continuous Bureau | Mumbai

Shloka Mehta: અંબાણી પરિવાર (Ambani Family) ની મોટી વહુ તરીકે જાણીતી શ્લોકા મહેતા (Shloka Mehta) ને કોઈ પરિચયની જરૂર નથી. 11 જુલાઈ 1990ના રોજ મુંબઈ (Mumbai) માં જન્મેલી શ્લોકાનો જન્મ ચાંદીની ચમચી (Silver Spoon) સાથે થયો હતો. મતલબ કે અંબાણી પરિવારની વહુ બનતા પહેલા પણ શ્લોકા પાસે ઘણા પૈસા હતા. બર્થડે સ્પેશિયલમાં, આપણે વાત કરીશુ શ્લોકા મહેતાના જીવન વિશેની.

શ્લોકા આ પરિવારની છે

શ્લોકાનું નામ ત્યારે ચર્ચામાં આવ્યું જ્યારે મુકેશ અંબાણી (Mukesh Ambani) ના મોટા પુત્ર આકાશ અંબાણી (Akash Ambani) સાથે તેના સંબંધો જોડાયા. તમને જણાવી દઈએ શ્લોકા પણ ઓછા પૈસાદાર પરિવારની નથી. ખરેખર, તેના પિતા રસેલ મહેતા દેશના જાણીતા હીરાના વેપારી છે. તે રોઝી બ્લુ ડાયમંડ્સ (Rozi Blue Diamond) ના માલિક અને સીઈઓ છે. આટલા મોટા પરિવાર સાથે જોડાયેલા હોવા છતાં પણ શ્લોકાનું નામ આકાશ અંબાણી સાથેના લગ્નના સમાચાર પછી ચર્ચામાં આવ્યું હતું.

આ સમાચાર પણ વાંચો:   AHMEDABAD: બિસ્માર રોડ, ભુવા અને રખડતાં ઢોર મામલે HCએ રાજ્ય સરકારની ઝાટકણી કાઢી, યોગ્ય નીતિ બનાવવા આદેશ

આ રીતે થયો અભ્યાસ

જણાવી દઈએ કે શ્લોકા અભ્યાસમાં પણ ઘણી સારી હતી. તેણે ધીરુભાઈ અંબાણી ઈન્ટરનેશનલ સ્કૂલ મુંબઈમાંથી સ્કૂલિંગ કર્યું હતું. આ પછી તેણે અમેરિકાની પ્રિન્સટન યુનિવર્સિટી (Princeton University) માંથી ગ્રેજ્યુએશન કર્યું. તે જ સમયે, લંડન સ્કૂલ ઓફ ઇકોનોમિક્સ એન્ડ પોલિટિકલ સાયન્સમાંથી માસ્ટર ડિગ્રી મેળવી અભ્યાસ પૂરો કર્યા બાદ શ્લોકા ભારત પરત આવી અને પિતાની કંપનીમાં મહત્વની જવાબદારીઓ સંભાળી. આ ઉપરાંત, તે કનેક્ટફોર (Connect For) ની સહ-સ્થાપક પણ છે, જે એનજીઓ (NGO) ને સ્વયંસેવકો પૂરા પાડે છે.

શ્લોકાના સંબંધો નીરવ મોદી સાથે પણ છે

તમને જાણીને નવાઈ લાગશે કે PNB કૌભાંડ (PNB Scam) નો આરોપી નીરવ મોદી (Nirav Modi) પણ શ્લોકાનો સંબંધી છે. મીડિયા રિપોર્ટ્સ અનુસાર, શ્લોકાની માતા મોના મહેતા નીરવ મોદીના સંબંધી છે. શ્લોકાના પરિવારની વાત કરીએ તો તેનો મોટો ભાઈ વિરાજ મહેતા અને મોટી બહેન દિયા મહેતા છે. તેના બંને ભાઈ-બહેનો પરિણીત છે. શ્લોકા મહેતાની નેટવર્થ વિશે વાત કરીએ તો, તે લગભગ $18 મિલિયન એટલે કે 148 કરોડ રૂપિયાથી વધુ છે.

આ સમાચાર પણ વાંચો:  Home loans : RBI અટવાયેલા પ્રોજેક્ટમાં ઘર ખરીદનારાઓ માટે ‘ટોપ-અપ’ લોન પર કામ કરી શકે છે..