News Continuous Bureau | Mumbai
Sawan Vrat Recipe: આજે 17 જુલાઈએ શ્રાવણનો બીજો સોમવાર છે. આ મહિનામાં ભગવાન શિવને દૂધ, દહીં અને મધથી અભિષેક કરવામાં આવે છે અને ફળ-ફૂલ ચઢાવવામાં આવે છે. મહિલાઓ અને પુરુષો આ મહિનામાં આવતા સોમવારના ઉપવાસ રાખે છે. એવી માન્યતા છે કે શ્રાવણ સોમવાર વ્રત રાખવાથી મનોકામનાઓ પૂર્ણ થાય છે. જો કે, આ દિવસે ઉપવાસ કર્યા પછી કેટલાક લોકો નબળાઈ અનુભવે છે. આવી સ્થિતિમાં તમે ખજૂરના લાડુ બનાવીને ખાઈ શકો છો. તે બનાવવામાં સરળ છે અને સ્વાદિષ્ટ પણ છે. ખજૂર સાથે ઉપવાસના લાડુ બનાવવાની રીત જાણો.
ખજૂરના લાડુ બનાવવા માટે તમારે જરૂર પડશે…
ખજૂર
બદામ
કાજુ
અખરોટ
પિસ્તા
મગફળી
નાળિયેર
આ સમાચાર પણ વાંચો : Dr Mangala Narlikar Passed Away: વરિષ્ઠ ગણિતશાસ્ત્રી કેન્સર સામેની લડાઈમાં હાર્યા, ડૉ. મંગળા જયંત નારલીકરનું નિધન..
કેવી રીતે બનાવવા
લાડુ બનાવવા માટે સૌપ્રથમ બદામ, કાજુ, અખરોટ, પીસ્તા, મગફળીને સારી રીતે શેકી લો અને પછી તેને ઠંડુ થવા દો. હવે ખજૂરના બીજ કાઢીને એક પેનમાં નાખો. તેને ગરમ થવા દો જેથી તે થોડી નરમ થઈ જાય. ખજૂર ગરમ થાય થાય ત્યાં સુધી નારિયેળને છીણી લો. હવે આ નારિયેળને પણ ખજૂર સાથે મિક્સ કરો. સારી રીતે ભેળવી દો. હવે તેને હાથ વડે સારી રીતે મેશ કરો. જો તમે ઈચ્છો તો મિક્સરમાં બ્લેન્ડ પણ કરી શકો છો. આ સાથે સૂકા શેકેલા બદામને પણ મિક્સ કરો. ગેસ પરથી ઉતારી ઠંડુ થવા દેવું. ઠંડુ થઇ જાય એટલે બંને હાથની મદદ થી નાની નાની ગોળીઓ હાથમાં લઈને તેના લાડુ બનાવો. લાડુ એકદમ નાના નાના સોપારીના આકારના કરો. મિશ્રણ બિલકુલ ઠંડુ થઇ જવા દેવું પછી જ લાડુ બનાવવા અને લાડુને મસ્ત ગોળ આકાર આપવો. તો તૈયાર છે ખજૂરના લાડુ. આ લાડુને તમે ઈચ્છો તો ડેકોરેશન માટે ખમણેલા જીણા ટોપરામાં રગદોળી શકો છો. અને આ લાડુને તમે સ્ટોર પણ કરી શકો છો. તમે તેની સાથે એક ગ્લાસ દૂધ પણ પી શકો છો.
