News Continuous Bureau | Mumbai
Kareena kapoor :નારાયણ મૂર્તિ ભારતના જાણીતા ઉદ્યોગપતિ છે. હાલમાં જ ઈન્ફોસિસના કો-ફાઉન્ડરે બોલિવૂડ એક્ટ્રેસ કરીના કપૂર વિશે એક મોટો ખુલાસો કર્યો છે. એક ઈવેન્ટ દરમિયાન તેણે ફ્લાઈટની એક ઘટના યાદ કરી જેમાં તે કરીના કપૂર ખાન સાથે હતા. જણાવી દઈએ કે આ વીડિયો જૂનો છે જે હવે ઈન્ટરનેટ પર વાયરલ થઈ રહ્યો છે.
નારાયણ મૂર્તિએ સંભળાવ્યો કરીના કપૂર સાથે જોડાયેલ કિસ્સો
નારાયણ મૂર્તિ હાલમાં જ કાનપુર IITમાં એક કાર્યક્રમમાં પહોંચ્યા હતા. તેમણે ઈવેન્ટમાં વિદ્યાર્થીઓને અહંકાર પર કેવી રીતે કાબુ મેળવવો તે શીખવ્યું અને કરીના કપૂર સાથે સંબંધિત એક ટુચકો શેર કર્યો. તેણે કહ્યું, ‘એકવાર હું લંડનથી પાછો આવી રહ્યો હતો. મારી બાજુની સીટ પર કરીના કપૂર બેઠી હતી. ઘણા લોકો તેમની પાસે આવી રહ્યા હતા અને તેમને હેલો કહી રહ્યા હતા. પરંતુ, આશ્ચર્યની વાત એ હતી કે અભિનેત્રી આ બધાની અવગણના કરી રહી હતી. લોકો ને કોઈ પ્રતિક્રિયા આપી નહોતી રહી. મને એકદમ નવાઈ લાગી. કારણ કે હું ઉભો હતો અને મારી પાસે આવેલા તમામ લોકોને મળતો હતો. તેઓએ કંઈ કર્યું નહીં, માત્ર દોઢ મિનિટ મારી સાથે વાત કરી અને પછી ચાલ્યા ગયા.
આ સમાચાર પણ વાંચો : Ahmedabad : અમદાવાદમાં એક જ સપ્તાહમાં નોંધાયા 12 હજાર આંખ આવવાના કેસ નોંધાયા
View this post on Instagram
સુધા મૂર્તિ એ કરીના કપૂર વિશે કહી આ વાત
નારાયણ મૂર્તિની પત્ની સુધા મૂર્તિ તેમની બાજુમાં બેસી બધું સાંભળી રહી હતી. તેણે તેને અટકાવીને કહ્યું, ‘તે થાકેલી હોવી જોઈએ. જુઓ, ઓછામાં ઓછા 10,000 લોકો કંપનીના સ્થાપકને જાણતા હશે. પરંતુ કરોડો લોકો ફિલ્મ સ્ટાર્સને ફોલો કરે છે. જો કે, નારાયણ મૂર્તિએ તેમની વાત ચાલુ રાખી. તેણે કહ્યું, ‘ના ના, એ વાત નથી. વાત એ છે કે જ્યારે કોઈ તમને પ્રેમ આપે છે, ત્યારે મને લાગે છે કે તમારે પણ તે પ્રેમ કોઈને કોઈ રીતે પાછો આપવો જોઈએ. મને લાગે છે કે આ ખૂબ જ મહત્વપૂર્ણ છે. કોઈપણ રીતે, આ બધા તમારા અહંકારને ઘટાડવાના માર્ગો છે.’
