News Continuous Bureau | Mumbai 
મોદી સરનેમ મામલે કોંગ્રેસ નેતા રાહુલ ગાંધીને મોટી રાહત મળી છે. સુપ્રીમ કોર્ટે રાહુલ ગાંધીની સજા પર હાલ માટે રોક લગાવી દીધી છે. કોર્ટે સુનાવણી દરમિયાન કહ્યું હતું કે તેમની બે વર્ષની સજા હાલ પૂરતી રોકી દેવામાં આવશે.

રાહુલ ગાંધીની સજા પર સ્ટે માત્ર કોંગ્રેસ માટે જ નહીં પરંતુ વિપક્ષી ગઠબંધન I.N.D.I.A માટે પણ રાહતના સમાચાર છે. વાસ્તવમાં રાહુલ ગાંધીને જનપ્રતિનિધિત્વ અધિનિયમ હેઠળ બે વર્ષની સજા સંભળાવવામાં આવ્યા બાદ તેમનું સાંસદ પદ રદ કરવામાં આવ્યું હતું. હવે સુપ્રીમ કોર્ટે સજા પર સ્ટે મુક્યા બાદ રાહુલ ગાંધીનું સાંસદ પદ પુનઃસ્થાપિત થઈ શકે છે. આ સાથે તેઓ સંસદના ચોમાસુ સત્રમાં પણ ભાગ લઈ શકે છે.

શા માટે મહત્તમ સજા આપવામાં આવી?

સુનાવણી દરમિયાન સુપ્રીમ કોર્ટે કહ્યું કે, તે જાણવા માંગે છે કે રાહુલ ગાંધીને શા માટે મહત્તમ સજા આપવામાં આવી. જો ન્યાયાધીશે રાહુલને 1 વર્ષ અને 11 મહિનાની સજા સંભળાવી હોત તો રાહુલ ગાંધીને સંસદના સભ્યપદેથી અયોગ્ય ઠેરવવામાં ન આવ્યા હોત.

આ સમાચાર પણ વાંચો : Amrut Udhyaan : અમૃત ઉદ્યાન 16 ઓગસ્ટથી લોકો માટે ખુલશે

રાહુલ ગાંધી લોકસભાની ચૂંટણી લડશે

રાહુલ ગાંધીને સુરત કોર્ટે બે વર્ષની સજા ફટકારી હતી. સજા મળ્યા બાદ તેમને લોકસભાના સભ્યપદેથી ગેરલાયક ઠેરવવામાં આવ્યા હતા. સુપ્રીમના નિર્ણય બાદ હવે રાહુલ ગાંધીનું સાંસદ પદ પુનઃસ્થાપિત થશે. આ સાથે કોર્ટના નિર્ણયથી એ પણ સ્પષ્ટ થઈ ગયું છે કે રાહુલ આવતા વર્ષે યોજાનારી લોકસભાની ચૂંટણી લડી શકશે.

કોંગ્રેસમાં ખુશીની લહેર

રાહુલ ગાંધીને રાહત મળ્યા બાદ કોંગ્રેસના નેતાઓ ખુશ છે. કોંગ્રેસના નેતા અધીર રંજન ચૌધરીએ કહ્યું કે આ ખુશીનો દિવસ છે. આજે જ હું લોકસભાના અધ્યક્ષને પત્ર લખીશ અને તેમની સાથે વાત કરીશ.