News Continuous Bureau | Mumbai
Sugar Stock : છેલ્લા એક વર્ષમાં આંતરરાષ્ટ્રીય ખાંડના ભાવમાં 25%નો વધારો થયો હોવા છતાં, દેશમાં ખાંડની સરેરાશ છૂટક કિંમત આશરે ₹43.30 પ્રતિ કિલો છે અને તે એ જ રેન્જમાં જ રહેવાની શક્યતા છે. છેલ્લા 10 વર્ષોમાં દેશમાં ખાંડના ભાવમાં વાર્ષિક 2%થી ઓછો ફુગાવો રહ્યો છે.
વર્તમાન સુગર સિઝન (sugar season) 2022-23 દરમિયાન, ભારતમાં ઇથેનોલ(ethanol) ઉત્પાદન માટે લગભગ 43 LMTના ડાયવર્ઝન પછી 330 LMT ખાંડનું ઉત્પાદન થવાનો અંદાજ છે. સ્થાનિક વપરાશ લગભગ 275 LMT રહેવાની ધારણા છે.
આ સમાચાર પણ વાંચો : Water Cut: મુંબઈમાં ફરી પાણી કાપ, શહેરમાં આ વોર્ડના વિસ્તારોમાં ગુરુવારે 24 કલાક પાણી પુરવઠો નહીં મળે..
વર્તમાન તબક્કે, ભારત(India) પાસે વર્તમાન SS 2022-23ના બાકીના મહિનાઓ માટે તેની સ્થાનિક માંગને પહોંચી વળવા માટે પૂરતો ખાંડનો સ્ટોક છે અને આ સિઝનના અંતે એટલે કે 30.09.2023માં 60 LMT (2 ½ મહિના માટે ખાંડના વપરાશને પહોંચી વળવા માટે પર્યાપ્ત) નો મહત્તમ બંધ સ્ટોક ઉપલબ્ધ થશે.
ખાંડના ભાવમાં તાજેતરનો વધારો દર વર્ષે જુલાઇ-સપ્ટેમ્બર દરમિયાન ટૂંક સમયમાં જ ઠંડો પડી જશે, આગલી સીઝન પહેલા ભાવ વધે છે અને પછી શેરડી પિલાણ શરૂ થતાં નીચે આવે છે. આમ, ખાંડના ભાવમાં વધારો ખૂબ જ નજીવો અને ટૂંકા ગાળા માટે છે.
