News Continuous Bureau | Mumbai 

NZ Vs SL: ICC વર્લ્ડ કપ ( ICC World Cup ) 2023ની 41મી મેચ ન્યૂઝીલેન્ડ ( New Zealand ) અને શ્રીલંકા ( Sri Lanka ) વચ્ચે આજે રમાઈ રહી છે. આ મેચમાં ન્યૂઝીલેન્ડની ટીમે ટોસ જીતીને પહેલા બોલિંગ કરવાનો નિર્ણય લીધો છે. મેચમાં પ્રથમ બેટિંગ કરતા શ્રીલંકાની શરૂઆત ખૂબ જ ખરાબ રહી છે.

જણાવી દઈએ કે, ન્યુઝીલેન્ડ વતી ટીમના ફાસ્ટ બોલર ટ્રેન્ટ બોલ્ટ ( trent boult ) એ એક જ ઓવરમાં 2 વિકેટ લઈને પોતાની ટીમને સારી શરૂઆત અપાવી હતી. આ સાથે તેણે વર્લ્ડ કપમાં નવો રેકોર્ડ પણ બનાવ્યો છે. ટ્રેન્ટ બોલ્ટ ODI વર્લ્ડ કપના ઈતિહાસમાં 50 વિકેટ લેનાર પ્રથમ કિવી બોલર ( Kiwi bowler ) બની ગયો છે. આ સિવાય તેણે આંતરરાષ્ટ્રીય ક્રિકેટમાં 600 વિકેટ પણ પૂરી કરી લીધી છે. આવું કરનાર તે ન્યુઝીલેન્ડનો ત્રીજો બોલર બન્યો છે.

ODI વર્લ્ડ કપમાં ટ્રેન્ટ બોલ્ટની 50 વિકેટ

ખરેખર, આજે બેંગલુરૂમાં રમાઈ રહેલી મેચમાં શ્રીલંકન ટીમની શરૂઆત સારી રહી ન હતી. કુસલ પરેરાએ સારી શરૂઆત કરી હતી, તેણે અડધી સદી ફટકારી પરંતુ, ટ્રેન્ટ બોલ્ટની સામે શ્રીલંકન ટીમનો ટોપ ઓર્ડર વધુ સમય સુધી ક્રિઝ પર ટકી શક્યો નહોતો. તેણે એક પછી એક ત્રણ વિકેટ લીધી અને ત્રણ બેટ્સમેનોને પેવેલિયન મોકલી દીધા. આ વિકેટ લઈને ટ્રેન્ટ બોલ્ટે વર્લ્ડ કપમાં ઈતિહાસ રચ્યો હતો. ટ્રેન્ટ બોલ્ટ ODI વર્લ્ડ કપમાં 50 વિકેટ લેનારો ન્યુઝીલેન્ડનો પ્રથમ બોલર બની ગયો છે. તેણે શ્રીલંકન ટીમના કેપ્ટન કુસલ મેન્ડિસની વિકેટ લઈને તેના વર્લ્ડકપ ઈતિહાસમાં 50 વિકેટ પૂરી કરી.

આ સમાચાર પણ વાંચોઃ  Virat kohli: વિરાટ કોહલીની ટીકા કરવા બદલ પાકિસ્તાની પૂર્વ ક્રિકેટર મોહમ્મદ હાફીઝને આ ઇંગ્લિશ ખેલાડીએ લગાવી ફટકાર, લખ્યું- શું બકવાસ છે…!

આ સમાચાર લખાય છે ત્યાં સુધી ટ્રેન્ટ બોલ્ટે વર્લ્ડ કપમાં 52 વિકેટ પૂરી કરી લીધી છે. ટ્રેન્ટ બોલ્ટ વર્લ્ડ કપમાં 50 વિકેટ લેનારો વિશ્વનો માત્ર છઠ્ઠો બોલર બન્યો છે. તેણે શ્રીલંકાના ચામિંડા વાસનો રેકોર્ડ તોડ્યો, જેના નામે 49 વિકેટ છે. તે જ સમયે, તેના પહેલા વસીમ અકરમ (55 વિકેટ), લસિથ મલિંગા (56 વિકેટ), મુથૈયા મુરલીધરન (68 વિકેટ) અને ગ્લેન મેકગ્રા (71 વિકેટ) પણ આ કારનામું કરી ચુક્યા છે.

Disclaimer : Except for the headline, this story has not been edited by News Continuous staff and is published from a syndicated feed.