News Continuous Bureau | Mumbai

Odisha: ઓડિશા ( Odisha ) ના ગંજમ ( Ganjam ) જિલ્લામાં એક ચોંકાવનારી ઘટના સામે આવી છે. અહીં રૂમમાં ઝેરી સાપ ( Cobra Snake ) છોડીને તેની પત્ની ( Wife ) અને બે વર્ષની પુત્રીની ( daughter ) બેડરૂમમાં હત્યા ( Murder ) કરવામાં આવી હતી. ગુરુવારે આ કેસમાં એક વ્યક્તિની ધરપકડ કરવામાં આવી છે. આ ઘટના 7 ઓક્ટોબરે ગંજમના કબીસૂર્યનગર પોલીસ સીમા હેઠળના અધેબારા ગામમાં બની હતી. કૌટુંબિક ઝઘડાને ( Family feud ) કારણે હત્યા થઈ હોવાનું જાણવા મળે છે.

ન્યૂઝ એજન્સી પીટીઆઈ અનુસારઆ કપલનું નામ ગણેશ પાત્રા અને બસંતી પાત્રા છે. આરોપી ગણેશ અને તેની પત્ની બસંતી વચ્ચે ઝઘડો થયો હતો. તેણે 2020 માં લગ્ન કર્યા અને તેને બે વર્ષની પુત્રી છે. ઝઘડા બાદ આરોપીએ એક મદારી પાસેથી સાપ ખરીદ્યો હતો. તેણે મદારીને એવું કહીને ગેરમાર્ગે દોર્યો કે તે સાપનો ધાર્મિક હેતુ માટે ઉપયોગ કરવા જઈ રહ્યો છે. ગણેશ સાપને પ્લાસ્ટીકની બોટલમાં લાવ્યો હતો અને તેની પત્ની અને પુત્રી જ્યાં સૂતી હતી તે રૂમમાં રાત્રે તેને છોડી દીધો હતો. તેમજ તે બીજા રૂમમાં સુતો હતો.

ઘટનાના એક મહિના બાદ આરોપીની ધરપકડ કરવામાં આવી..

બીજા દિવસે સવારે જ્યારે તેણે દરવાજો ખોલ્યો તો તે બંને મૃત હાલતમાં જોવા મળ્યા હતા. ત્યારબાદ તેણે પડોશીઓને ભેગા કર્યા હતા. તેમને કહ્યું કે તેમની પત્ની અને પુત્રીને સાપે ડંખ માર્યો છે. જે બાદ ગણેશે પાડોશીના લોકોની મદદથી બંનેને હોસ્પિટલમાં દાખલ કર્યા હતા. પરંતુ ત્યાં તેને મૃત જાહેર કરવામાં આવ્યા હતા. ગંજમ જિલ્લા પોલીસ અધિક્ષક જગમોહન મીનાએ જણાવ્યું હતું કે પોલીસે શરૂઆતમાં અકુદરતી મૃત્યુની નોંધ કરી હતી, પરંતુ યુવકના સાસરિયાઓએ તેની વિરુદ્ધ એફઆઈઆર (FIR) દાખલ કર્યા પછી આરોપીની પૂછપરછ કરવામાં આવી હતી.

આ સમાચાર પણ વાંચોઃ Uttar Pradesh: હલાલના વિવાદ વચ્ચે ઉત્તર પ્રદેશ સરકારનો મોટો નિર્ણય… ઉત્તર પ્રદેશમાં આજે ઉજવાશે નો નોનવેજ દિવસ.. જાણો કારણ…

પોલીસ અધિક્ષકે જણાવ્યું હતું કે ઘટનાના એક મહિના બાદ આરોપીની ધરપકડ કરવામાં આવી હતી. કારણ કે તેની સામે પુરાવા એકત્ર કરવામાં થોડો વિલંબ થયો હતો. પૂછપરછ દરમિયાન, તેણે શરૂઆતમાં આરોપોને નકારી કાઢ્યા હતા અને કહ્યું હતું કે સાપ તેની જાતે જ રૂમમાં પ્રવેશ્યો હશે. પરંતુ બાદમાં તેણે તેનો ગુનો કબૂલી લીધો હતો.