News Continuous Bureau | Mumbai 

Russia: મોસ્કોમાં થયેલા બર્બર આતંકવાદી હુમલા ( Barbaric terrorist attacks ) બાદ હવે રશિયાની સુરક્ષા એજન્સીઓ એક્શનમાં આવી ગઈ હતી. રશિયન સુરક્ષા એજન્સીએ આ મામલામાં 11 લોકોની ધરપકડ કરી હતી. રશિયન મીડિયા આરટી ટીવી અનુસાર, તેમાં 4 આતંકવાદીઓ પણ સામેલ હતા, જેમણે અંધાધૂંધ ગોળીબાર કરીને લોકોની હત્યા કરી હતી. 

આરોપીની ધરપકડ બાદ રશિયાએ દાવો કર્યો હતો કે, હુમલાખોરો બ્રાયનસ્ક વિસ્તારમાંથી કારમાં યુક્રેનની સરહદ ( Ukraine border ) તરફ ભાગી રહ્યા હતા. આ દરમિયાન રશિયન સુરક્ષા દળોએ ( Russian security forces ) તેને પકડી લીધો હતો. બે દિવસ પહેલા રશિયાની રાજધાનીમાં થયેલા આ આતંકવાદી હુમલાએ સમગ્ર વિશ્વને હચમચાવી નાખ્યું હતું. RT અનુસાર, હુમલામાં અત્યાર સુધીમાં 133થી વધુ લોકોના મોત થયા હતા. તે જ સમયે, 100 થી વધુ લોકો ઘાયલ થયા હતા.

આતંકવાદી હુમલા બાદ રશિયાના રાષ્ટ્રપતિ વ્લાદિમીર પુતિને ( vladimir putin ) જનતાને વચન આપ્યું છે કે હુમલાખોરોને કોઈ પણ સંજોગોમાં છોડવામાં નહીં આવે. તેમણે કહ્યું હતું કે, આ હુમલા પાછળ જે કોઈનો હાથ છે, હું શપથ લઉં છું કે તેમને બક્ષવામાં નહીં આવે. આમાં રશિયન રાષ્ટ્રપતિએ એક દિવસના શોકની જાહેરાત કરી હતી. પોતાના ભાષણમાં તેમણે કહ્યું હતું કે, ક્રોકસ સિટી હોલમાં થયેલા આતંકવાદી હુમલાનો ભોગ ઘણા નિર્દોષ લોકો બન્યા હતા. મને ખાતરી છે કે ક્રોકસ સિટી હોલમાં આતંકવાદી હુમલાનો ભોગ બનેલા લોકોના જીવ બચાવવા માટે ડોક્ટરો શક્ય તેટલું બધું કરશે.

 અમેરિકાએ પણ રશિયામાં થયેલા આતંકી હુમલાની નિંદા કરી હતી..

હુમલામાં માર્યા ગયેલા લોકો પ્રત્યે સંવેદના વ્યક્ત કરતા, સંયુક્ત આરબ અમીરાત (UAE) એ શનિવારે બુર્જ ખલીફાને રશિયાના ધ્વજ જેવા રંગોથી શણગાર્યો હતો. આ દરમિયાન અમેરિકાએ પણ રશિયામાં થયેલા આતંકી હુમલાની નિંદા કરી હતી. અમેરિકાના વિદેશ મંત્રી એન્ટની બ્લિંકને એક નિવેદન જારી કરીને કહ્યું હતું કે, આ ભયાનક ઘટના બાદ અમેરિકા રશિયાના લોકો સાથે ઉભું છે.

આ સમાચાર પણ વાંચો :  United Nation Security Council: ભારત યુએન સુરક્ષા પરિષદમાં કાયમી સ્થાન મેળવી શક્યું નથી.. જાણો શું આવી રહ્યું છે આડે..

રશિયાની રાજધાની મોસ્કોના ( Moscow ) ક્રોકસ સિટી હોલમાં 22 માર્ચે આતંકવાદીઓએ લોહિયાળ રમત રમી હતી. આતંકવાદીઓ રાત્રે ક્રોકસ સિટી હોલમાં ઘૂસી ગયા હતા અને અંધાધૂંધ ગોળીબાર કર્યો હતો. રોક ગ્રુપ ‘પિકનિક’નો કાર્યક્રમ જોવા લોકો અહીં આવ્યા હતા. ચારથી પાંચ આતંકવાદીઓ ઓટોમેટિક હથિયારોથી સજ્જ થયા હતા અને હોલમાં અંધાધૂંધ ગોળીબાર શરૂ કરી દીધો હતો. મોસ્કોમાં કોન્સર્ટ હોલ ખૂબ જ પ્રખ્યાત છે, અને હુમલાના દિવસે 6200 લોકો ત્યાં હાજર હતા.

હુમલાની જવાબદારી સ્વીકારવાની સાથે, ઇસ્લામિક સ્ટેટે તેની કથિત ટેલિગ્રામ ચેનલ દ્વારા દાવો કર્યો હતો કે તેના આતંકવાદીઓ હુમલો કર્યા પછી તેમના છુપાયેલા સ્થળે પાછા ફર્યા હતા. તેમજ આતંકવાદીઓએ બુલેટ પ્રુફ જેકેટ પહેર્યા હતા અને તેમની પાસે વિસ્ફોટકો પણ હતા. ફાયરિંગ બાદ આતંકીઓએ હોલ પર વિસ્ફોટકોથી હુમલો પણ કર્યો હતો. જેના કારણે આગ લાગી હતી.