News Continuous Bureau | Mumbai 

Jackie Shroff: જેકી શ્રોફ તેના બાળકો ટાઈગર શ્રોફ અને ક્રિષ્ના શ્રોફની ખૂબ નજીક છે. ટાઇગર અને જેકીએ કેટલીક ફિલ્મોમાં સાથે કામ કર્યું છે અને ‘કોફી વિથ કરણ’માં પણ સાથે જોવા મળ્યા હતા. આ વર્ષે જેકી શ્રોફ પુત્રી કૃષ્ણા સાથે કોફી વિથ કરણ સીઝન 8માં આવ્યા હતા. બંનેએ એક ફેશન મેગેઝીન માટે સાથે ફોટોશૂટ પણ કરાવ્યું હતું અને એકબીજા વિશે ખુલીને વાત કરી હતી. આ દરમિયાન તેમણે કહ્યું હતું કે, જો તેણે પહેલા પ્રોપર્ટીમાં રોકાણ ( Property investment ) કર્યું હોત તો અંધેરીના ( Andheri ) અડધા ભાગનો માલિક હોત. તે હવે કારને બદલે પ્રોપર્ટીમાં રોકાણ કરવા માંગે છે. તેણે પોતાની પુત્રી કૃષ્ણાને પણ કંજૂસ કહી હતી.

વાસ્તવમાં, મિડીયા ઈન્ટરવ્યુ દરમિયાન, જ્યારે બંનેને પૂછવામાં આવ્યું કે તેમાંથી કોણ તેમની મનપસંદ વસ્તુઓ પર સૌથી વધુ પૈસા ખર્ચ કરે છે. ત્યારે જેકી શ્રોફે જવાબ આપ્યો કે તે પોતે પોતાની મનપસંદ વસ્તુઓ પર પૈસા ખર્ચતો હતો. તેણે ખુલાસો કર્યો કે તે પહેલા આવો હતો પરંતુ હવે એવું નથી.

 યોગ્ય વિચાર કરીને મારે મારા પૈસા પ્રોપર્ટીમાં રોકાણ કરવા જોઈતા હતા..

જીવનમાં લીધેલા ખોટા નિર્ણય પર અફસોસ વ્યક્ત કરતા જેકી શ્રોફે કહ્યું , યોગ્ય વિચાર કરીને મારે મારા પૈસા પ્રોપર્ટીમાં રોકાણ કરવા જોઈતા હતા. પરંતુ મેં ફક્ત કારો ખરીદી. મેં ઘણી કારો ખરીદી. જો મેં મારા પૈસા કાર ખરીદવા માટે ન વાપર્યા હોત તો આજે હું અડધા અંધેરીમાં રાજ કરી શક્યો હોત.

આ સમાચાર પણ વાંચો : Bhutan: પ્રધાનમંત્રી નરેન્દ્ર મોદીએ ભૂતાનમાં કર્યું ગ્યાલ્ટસુએન જેટસન પેમા વાંગચુક મધર એન્ડ ચાઇલ્ડ હોસ્પિટલનું ઉદઘાટન.

જેકી શ્રોફ પછી તેની પુત્રી ક્રિષ્ના શ્રોફને ( Krishna Shroff ) પૂછ્યું હતું કે, તેણી તેના પૈસા કેવી રીતે મેનેજ કરે છે. પછી તેણે કહ્યું કે તે તેના પૈસા સારી રીતે મેનેજ કરે છે. જેકીએ વધુમાં કહ્યું હતું કે, કૃષ્ણાતો ખૂબ જ કંજૂસ છે. ક્રિષ્નાએ હજુ ફિલ્મોમાં એન્ટ્રી કરી નથી, પરંતુ તે તેના ભાઈની ( Tiger Shroff ) જેમ ફિટનેસ ફ્રીક છે. તેણી પોડકાસ્ટ હોસ્ટ કરે છે. ક્રિષ્ના દક્ષિણ એશિયાના અગ્રણી MMA મેટ્રિક્સ ફાઈટ નાઈટના સહ-માલિક પણ છે.