News Continuous Bureau | Mumbai

Lok Sabha Election 2024: દુનિયામાં કોઈપણ વ્યક્તિ જીતવા માટે જ ચૂંટણી લડે છે, પરંતુ તમિલનાડુમાં ( Tamil Nadu ) એક વ્યક્તિ એવી છે જે હારવા માટે જ ચૂંટણી લડે છે. હા… એક-બે વાર નહીં, આ સજ્જન 238 ચૂંટણી હારી ચૂક્યા છે. આગામી મહિને યોજાનારી લોકસભાની ચૂંટણીમાં પણ તેઓ નસીબ અજમાવવાના છે. આટલી બધી વખત ચૂંટણી હારવાના કારણે તેમને વર્લ્ડ બિગેસ્ટ ઈલેક્શન લુઝરનું બિરુદ પણ મળ્યું છે. એટલું જ નહીં લોકો તેમને ઈલેક્શન કિંગ પણ કહે છે. તેમનું નામ કે પદ્મરાજન છે.

દેશમાં અત્યારે ચૂંટણીની માહોલ છે. ચૂંટણી ગમે તે હોય, પદ્મરાજનનો ( padmarajan  ) ઉલ્લેખ અવશ્ય હોય છે. 65 વર્ષીય પદ્મરાજન આ વખતે ફરીથી ચૂંટણી લડી રહ્યા છે. તમિલનાડુના મેટુરના રહેવાસી પદ્મરાજન ટાયર રિપેર કરવાની દુકાનના માલિક છે. તેઓ 1988થી ચૂંટણી લડી રહ્યા છે. તેઓ આ વર્ષની લોકસભા ચૂંટણીમાં ધર્મપુરી બેઠક પરથી ચૂંટણી લડી રહ્યા છે. ઈલેક્શન કિંગ ( Election King ) તરીકે જાણીતા પદ્મરાજન રાષ્ટ્રપતિની ચૂંટણી ( Presidential election ) પણ લડી ચૂક્યા છે.

જ્યારે તેઓ પહેલીવાર ચૂંટણી લડ્યા હતા ત્યારે લોકો તેમના પર હસતા હતા..

પદ્મરાજન કહે છે કે જ્યારે તેઓ પહેલીવાર ચૂંટણી લડ્યા હતા ત્યારે લોકો તેમના પર હસતા હતા, પરંતુ તેઓ એ સમજવા માગતા હતા કે સામાન્ય માણસ પણ ચૂંટણી લડી શકે છે. તે કહે છે, ‘બધા ઉમેદવારો ચૂંટણીમાં જીતવા માગે છે, પણ મને હારવું ગમે છે. હું જીતવા માંગતો નથી.

આ સમાચાર પણ વાંચો : Hardeep Singh Nijjar Murder Case: કેનેડાનો ઘમંડ થયો ચકનાચૂર..નિજ્જર હત્યાકાંડ પર 9 મહિનામાં એક પણ પુરાવા નહીં, ટ્રુડોના સ્વર બદલાયા.

પદ્મરાજન પીએમ મોદી સામે પણ ચૂંટણી લડી ચૂક્યા છે. અલબત્ત તેનો પરાજય થયો હતો. પૂર્વ વડાપ્રધાન અટલ બિહારી વાજપેયી, મનમોહન સિંહ ઉપરાંત પદ્મરાજન કોંગ્રેસ નેતા રાહુલ ગાંધી સામે પણ ચૂંટણી લડી ચૂક્યા છે.

પદ્મરાજને કહ્યું કે મને એ વાતની ચિંતા નથી કે કયો ઉમેદવાર ચૂંટણી લડી રહ્યો છે. મારે મારી હારનો દોર ચાલુ રાખવો પડશે. તેમનું માનવું છે કે તેમણે છેલ્લા ત્રણ દાયકામાં ચૂંટણીમાં 1 કરોડ રૂપિયાથી વધુનો ખર્ચ કર્યો છે. આમાં સુરક્ષા રકમ પણ સામેલ છે. જો સિક્યોરિટી જપ્ત કરવામાં આવે તો આ રકમ રિફંડપાત્ર નથી.

પદ્મરાજનનું નામ લિમ્કા બુક ઓફ રેકોર્ડ્સમાં પણ છે. તે ભારતના સૌથી અસફળ ઉમેદવાર રહ્યા છે. તેમણે 2011ની ચૂંટણીમાં પોતાનું સર્વશ્રેષ્ઠ પ્રદર્શન કર્યું હતું. તેમણે વિધાનસભા ચૂંટણીમાં મેટુરમાં 6,273 મત મેળવ્યા હતા. આ બેઠક પર વિજેતા ઉમેદવારને 75 હજારથી વધુ મત મળ્યા હતા. તેમણે કહ્યું કે મને એક મતની પણ આશા નહોતી.